Shetelge aktıvterin zańsyz shyǵarǵan “Jusan Bank” Qazaqstanǵa qaıtarylady. Bul týraly saıasatker Erlan Saırov óziniń Facebook paraqshasynda habarlady, dep jazady “Adyrna” ulttyq portaly.
- Súıinshi! Alpaýyt olıgarhtarmen kúresimiz óziniń nátıjesin berip jatyr. Bizdiń suraýǵa sáıkes, Qazaqstan Respýblıkasynyń Bas Prokýratýrasy osy másele boıynsha júıeli jumys isteýde! Almaty qalasynyń Bostandyq aýdandyq soty «Pioneer Capital Invest» JShS men Jusan Technologies Ltd arasyndaǵy «First Heartland Jusan Bank» AQ-nyń, sondaı-aq onymen baılanysty uıymdardyń (budan ári – «Jusan» toby) aktıvterin sheteldik ıýrısdıkııalarǵa berý týraly mámileni jaramsyz dep taný týraly Almaty qalasy prokýrorynyń talap aryzy boıynsha azamattyq is qozǵady,- dep jazdy Erlan Saırov.
Saıasatkerdiń aıtýynsha, halyq qazynasyn qaıtarý jumystary jalǵasyn taba bermek.
- "Jusan Bank" degi bylyq-shylyqty anyqtap, kapıtaldy memleketke qaıtarý jumysy túbine deıin jetkiziledi! Ulttyq múddelerdi qorǵaý ár-bir azamattyń boryshy! Halyqtyń ıgiligin "jep-iship" qoıǵan faktilerdiń barlyǵyn anyqtap, el baılyǵyn memleketke qaıtarýdy jalǵastyra beremiz! Biz famılııaǵa, burynǵy eńbegine, baılyǵyna qaramaımyz! Halyq ıgiligi memleketke qaıtýy tıis! Biz Birgemiz,- deıdi Saırov.
“Adyrna” ulttyq portaly
