Premer-Mınıstrdiń orynbasary Altaı Kólginov Shymkent qalasyna jumys sapary barysynda áleýmettik mańyzy bar nysandardyń júzege asý barysymen tanysty, olardyń arasynda ulttyq jobalar aıasynda júzege asyp jatqan nysandar bar.
Altaı Kólginov «Oqýshylar saraıynyń» qurylysymen tanysty. Ákimdiktiń málimeti boıynsha, ǵımaratta mını-fýtbolǵa, voleıbolǵa, basketbolǵa jáne jattyǵý jasaýǵa arnalǵan alańdar bar. Onda 2 myń oqýshy sportpen aınalysa alady. Ortalyq bıyl paıdalanýǵa beriledi dep josparlanyp otyr. Sondaı-aq Shymkentte Kongress-holl salynyp jatyr.
Jumys sapary barysynda Altaı Kólginov «Jaıly mektep» ulttyq jobasyn iske asyrý aıasynda salynatyn bilim berý nysandarynyń jobalarymen tanysty. Joba aıasynda Shymkentte 25 mektep salý josparlanyp otyr. Jańa formattaǵy mektepterdiń salynýy úsh aýysymmen oqytý máselesin tolyǵymen sheship, qosymsha oqýshy oryndaryn qurýǵa múmkindik beredi.
Sonymen qatar Shymkentte birqatar medıınalyq nysan salý josparlanyp otyr. Premer-Mınıstrdiń orynbasary pandemııa kezinde salynǵan ınfekııalyq aýrýhanaǵa bardy. Qazir qalada 315 paıentti qabyldaı alatyn jalǵyz balalar aýrýhanasy jumys istep turǵanyn eskere otyryp, ınfekııalyq aýrýhananyń ǵımaratyn balalar aýrýhanasynyń balansyna berý boıynsha jumys júrgizilip jatyr.
Sondaı-aq kópbeıindi aýrýhana salý da josparlanǵan. Onda jumys istep turǵan emhanalardyń jumysyn jeńildetý úshin emhana jumys isteıtin bolady. Kópbeıindi aýrýhanada zamanaýı talaptarǵa saı keletin Iadrolyq medıına ortalyǵy ashylady. Bul sapaly medıınalyq kadrlardy daıyndaýǵa jol ashady. Osyndaı kópbeıindi aýrýhanalardy birqatar ózge óńirde salý josparda bar.
Ákimdikterdiń aldyna ulttyq jobalardy sapaly iske asyrý jáne áleýmettik jobalardyń qurylysyn ýaqytyly aıaqtaý mindeti qoıylǵan. Bul máselelerdiń barlyǵy – Memleket basshysynyń baqylaýynda.
“Adyrna” ulttyq portaly
