Memleket basshysy Qasym-Jomart Toqaev Mańǵystaý, Túrkistan, Soltústik Qazaqstan jáne Qaraǵandy oblystarynyń ákimderin qabyldady, dep habarlaıdy «Adyrna» tilshisi Aqordaǵa silteme jasap.
Prezıdentke oblystardyń ákimderi óńirlerdiń byltyrǵy áleýmettik-ekonomıkalyq damý kórsetkishteri jáne aldaǵy kezeńge arnalǵan jospary jóninde baıandady.
Mańǵystaý oblysynyń ákimi Nurlan Noǵaevtyń málimetine sáıkes ótken jyly Mańǵystaý oblysynda quny 25 mıllıard teńgeni quraıtyn 15 ınvestıııalyq joba júzege asyrylǵan. Óńir ekonomıkasyna tartylǵan ınvestıııa kólemi 15,8 paıyzǵa artyp, 762 mıllıard teńgege jetken. Shaǵyn jáne orta bıznes sýbektileriniń sany 75,3 myń birlikke jetip, byltyrǵy jylmen salystyrǵanda 33,3 paıyzǵa ósken. Týrızm salasynda kórsetilgen qyzmetter kólemi 1,6 esege ulǵaıdy. 2022 jyly Mańǵystaý óńirine shetelder men el aımaqtarynan 231 myń týrıst keldi.
Memleket basshysyna aýyzsý máselesin sheshý jónindegi tapsyrmasynyń oryndalý barysy týraly málimet berildi. Atap aıtqanda, byltyr 12 aýylǵa sý qubyry tartyldy. Oblystaǵy aýyzsý tapshylyǵyn kezeń-kezeńimen sheshý úshin 2025 jylǵa deıin jalpy sý tushytý qýaty 286 myń tekshe metr bolatyn 9 joba júzege asyrylady.
Sonymen qatar Prezıdentke óńir basshysy turǵyn-úı kommýnaldyq sharýashylyq salasyn jetildirý, Aqtaý qalasynyń ınjenerlik ınfraqurylymyn qalypqa keltirý, MAEK kásipornyn qaıta jańǵyrtý máseleleri jóninde baıandaldy.
Prezıdenttiń qabyldaýynda bolǵan Túrkistan oblysynyń ákimi Darhan Satybaldy byltyr jalpy óńirlik ónim kólemi 3 trıllıon teńgeni quraǵanyn, al aýyl sharýashylyǵyndaǵy ónim kólemi alǵash ret 1 trıllıon teńgeden asqanyn aıtty. Salaǵa 75 mıllıard teńge ınvestıııa tartyldy. Sonymen qatar shaǵyn jáne orta bıznes sýbektileriniń sany 184 579-ǵa jetken.
Memleket basshysyna sý qubyry buryn-sońdy bolmaǵan jeti eldi mekenniń aýyzsýmen qamtamasyz etilgeni jóninde málimet berildi. Bıyl 25 eldi mekenge aýyzsý qubyryn tartyp, tozyǵy jetken sýmen qamtamasyz etý jelisin jańartý josparlanyp otyr. Sondaı-aq 56 eldi meken tabıǵı gaz qubyryna qosylyp, 47 eldi mekenniń elektr jelileri jańartylady.
Oblys ákimi ótken jyly 54 mekteptiń qurylysy júrgizilip, onyń 21-i paıdalanýǵa berilgenin jetkizdi. Bıyl taǵy 20 mekteptiń qurylysyn aıaqtaý josparlanyp otyr. «Jaıly mektep» ulttyq jobasy aıasynda óńirde 63 bilim mekemesiniń qurylysy maquldandy. Budan bólek, bıyl aýyldyq jerlerde 49 medıına nysany salynady.
Prezıdentke Syrdarııa ózeni boıyndaǵy eldi mekenderdi sý basý qaýpiniń aldyn alý úshin júrgizilgen jumystar jóninde baıandaldy. Aldyn ala qamdanǵannyń nátıjesinde bes aýdandaǵy 43 eldi mekendi sý basý qaýpi joıylǵan. Tolassyz jaýǵan nóser jaýyn saldarynan birqatar aýdanda jekelegen úı aýlalaryn sý basyp qalǵandyqtan, 200-ge jýyq adam qaýipsiz jerge kóshirildi. Qazir jaǵdaı turaqtanyp, turǵyndar úılerine oraldy. Arnaıy komıssııa shyǵyn kólemin anyqtap jatyr.
Prezıdentke Soltústik Qazaqstan oblysynyń ákimi Aıdarbek Saparov aýyl sharýashylyǵyn damytý jáne ınvestıııalyq jobalardy júzege asyrý máseleleri jóninde baıandady.
Oblys ákiminiń aıtýynsha, aýyl sharýashylyǵy men ónerkásip salalarynda quny 160 mıllıard teńgen bolatyn 62 ınvestıııalyq joba iske asyrylady. Sondaı-aq óńirge 430 mıllıard teńge ınvestıııa tartý josparlanyp otyr, onyń jartysy aýyl sharýashylyǵyna bólinedi.
Prezıdentke kóktemgi egis naýqanyna daıyndyq jumystary týraly da aqparat berildi. Qazirgi ýaqytta 489 myń tonna tuqym sebilip, 180 myń tonna mıneraldy tyńaıtqysh beriledi. Sonymen qatar bıyl akıonerler jańa tútin qubyryn salýǵa jáne JEO-2 qazandyq agregattaryn kúrdeli jóndeýden ótkizýge 6 mıllıard teńge bóledi. 1,1 mıllıard teńgege 7,2 shaqyrym jylý jelilerin jóndeý jáne qaıta jańartý josparlanyp otyr.
Oblys ákimi óńirde 650 shaqyrym jol jóndelip, 300 myń sharshy metr turǵyn úı salynatynyn jetkizdi. 16 myńnan astam adam turatyn 22 aýyldy sýmen qamtamasyz etý isi jaqsartyldy.
«Jaıly mektep» jáne «Aýyldyq densaýlyq saqtaýdy jańǵyrtý» ulttyq jobalary aıasynda mektepter men medıınalyq mekemelerdiń qurylysy týraly aqparat jeke usynyldy.
Odan keıin Qaraǵandy oblysynyń ákimi Ermaǵanbet Bólekpaev Prezıdentke turǵyn úı-kommýnaldyq sharýashylyǵy men áleýmettik salalarda atqarylyp jatqan jumystardyń jaı-kúıi, ınvestıııa tartý isi, ónerkásip jáne aýyl sharýashylyǵy óndirisiniń qarqyny týraly málimet berdi.
Ermaǵanbet Bólekpaev 53 iri jobany júzege asyrý qolǵa alynǵanyn, nátıjesinde 12 myń jumys orny ashylatynyn aıtty. Onyń aıtýynsha, oblysta shaǵyn jáne orta bıznes sýbektileriniń sany artyp keledi. Jergilik organdar quny 18 mıllıard teńge bolatyn 5,5 myń jobany qarjylandyryp 5,8 myń jumys ornyn ashýdy josparlap otyr. Sonymen qatar byltyr óńirde 597,2 myń sharshy metr turǵyn úı paıdalanýǵa berildi. Aýyl sharýashylyǵy salasynda ótken jyly 1,2 mıllıon gektardan astam jer qaıtaryldy. Bıyl ıgerilmeı jatqan 580 myń gektar jerdi qaıtarý josparlanyp otyr.
Memleket basshysyna áleýmettik saladaǵy josparlar jóninde baıandaldy. Atap aıtqanda, aýyldyq eldi mekenderde 92 medıına nysany salynady, aýyldyq jerlerdegi densaýlyq saqtaý salasyn jańǵyrtý aıasynda 2 aýdanaralyq aýrýhana qurylady. Sondaı-aq Qaraǵandy medıına ýnıversıteti janynan 300 oryndyq klınıka men 200 oryndyq perınataldyq ortalyq salý qarastyrylǵan. Oblysta 2023–2025 jyldar aralyǵynda 18 zamanaýı mektep salynýǵa tıis.
Kezdesý sońynda Qasym-Jomart Toqaev oblystardyń ákimderine byltyr óńirlerge jumys sapary barysynda bergen tasyrmalary ýaqytyly ári sapaly oryndalýǵa tıis ekenin aıtty. Sondaı-aq óńirlerdiń ornyqty áleýmettik-ekonomıkalyq damýyn odan ári qamtamasyz etýdi jáne azamattardyń turmys sapasyn jaqsartý jumystaryn jalǵastyrýdy tapsyrdy.
