ıfrlyq damý, ınnovaııalar jáne aoeroǵarysh ónerkásibi mınıstri Baǵdat Mýsın Túrkııada jer silkinisi kezinde qaza tapqan Mırbolat Qurmashev týraly esteligimen bólisti. Aıtýynsha, marqum azamat ekeýi kýrstas bolǵan, dep habarlaıdy «Adyrna» tilshisi.
«Sońǵy úmit oty sóndi. Sengim kelmeıdi… Sońyna deıin úmittenip edik. Alaıda Mırýs baýyrymyzdan aıyrylyp qaldyq… Ekeýmiz kýrstas boldyq. Ol óte kreatıvti edi, aýqymdy dúnıeler jasaǵysy keletin, tartymdylyǵynyń arqasynda adamdardy uıymdastyra alatyn. Dinge berik adam edi. Maǵjan («Astana Hub» bas dırektory –Maǵjan Mádıev - red) Astana Habty qurý boıynsha alǵashqy qadamdaryn bastaǵanda ol kóp kómek etti, tegin, eshqandaı kelisimsiz. Qolynan kelgenin istep, Qazaqstannyń IT-salasyn damytýǵa úlesi men kómegin qosty»,—dedi ol.
Mınıstr dosynyń Qazaqstanda birneshe bıznes bastamasy bolǵanyn atap ótti.
«2020 jyly memlekettiń qatysýymen bir-eki jobany iske asyrǵysy keldi. Biraq, Memleket basshysy meni mınıstr etip taǵaıyndaǵan kezde ol jobalardan óz erkimen bas tartty.
Aramyzda túsinispeýshilik týdyratyn jaǵdaılardy boldyrmaý úshin men ıdeıalarymdy shet elde júzege asyramyn dedi.
Mırýs - jıhankez, biraz jerde boldy, biraq turaqtalý úshin Túrkııany tańdap, sońǵy eki jyl negizinen sol jaqta turyp jatty. Prezıdenttiń Ankaraǵa resmı saparynyń aldyndaǵy qazaqstandyq IT-mamandarynyń sol jaqqa barǵanyn bárińiz biletin shyǵarsyzdar. Biz sol kezde olardy Stambýldyń birneshe iri IT-kompanııasyna aparǵan edik. Mırýs osy is-sharanyń negizgi uıymdastyrýshysy boldy. Biz oǵan Astana Habtyń ókili bolýdy usyndyq, óıtkeni eki memlekettiń habtary men mamandaryn jaqyndastyratyn adamnyń bolýy mańyzdy edi.
Stýdenttik kezden de biraz jaqsy estelikter bar, jaqyn aralasqan joldastary olardy aıtyp jatar dep oılaımyn.
Imandy bolsyn! Janyń jánnattan oryn tapsyn, baýyrym»,—dep jazdy Baǵdat Mýsın.
