Túrkııadaǵy jer silkinisi kezinde joǵalǵan qazaqstandyqtar Mırbolat Qurmashev pen Ádil Qadyrbekovtiń máıiti tabyldy, dep habarlaıdy «Adyrna» tilshisi.
Tótenshe jaǵdaılar mınıstrligi Hataı provınııasyndaǵy tolyǵymen qıraǵan ǵımarattan qazaqstandyq qutqarýshylardyń kúshimen ekinshi qazaqstandyqtyń denesi tabylyp shyǵarylǵanyn málimdedi.
«Úıindi jaǵdaıyndaǵy qozǵalys kezinde izdestirý barysynda qutqarýshylar aldyn ala belgilengen izdestirý ornyna qol jetkizý úshin barynsha jedel túrde arnaıy oıyq jasady.
Qutqarýshylar kishkentaı bos oryndar arqyly oıyqtyń ishine kirdi. Bul rette qutqarýshylar qurylymdyq elementterdiń qaıta qulaýyn boldyrmaý úshin tosqaýyldarda az sańylaýlar jasaýǵa tyrysty, úıindide qaýipti ýchaskelerdi bekitti, úıindi bólshekterin kóterip, jyljytty»,—dep túsindirdi vedomstvo.
