Qostanaıdaǵy TOLSTOI atyndaǵy oblystyq ǵylymı-ámbebap kitaphanaǵa BI-AǴANYŃ atyn berý kerek!!!
Qazaqtyń úsh báıteregi atanǵan Sáken, Ilııas, Beıimbet syndy aıaýly azamattarymyz bir jyly týyp, bir jyly ómirden ótti (1894 - 1938). Qatar týǵan juldyzdar shyn máninde ult ádebıetiniń juldyzyna, ult rýhanııatynyń asqaryna aınaldy. Bıyl osy úsh azamattyń týǵanyna mereıli 125 jyl!!!
Kókeıde júrgen bir oı: Sáken atynda Astananyń qaq tórinde Agrotehnıkalyq ýnıversıtet jáne aqynnyń memorıaldyq mýzeıi bar. Al, Ilekeńniń atynda Taldyqorǵannyń júreginde Jetisý memlekettik ýnıversıteti jáne qalanyń qaq ortasynda aqynnyń ádebı-memorıaldyq mýzeıi bar eken. Onyń syrtynda Ilııas atynda týǵan jurtyndaǵy úlken poselkeniń bar. Sáken atynda aýyl bar.
Sákenniń atynda Taldyqorǵandaǵy oblystyq ǵylymı-ámbebap kitaphana, Qaraǵandy qalasynda qazaq drama teatry bar! Al, Ilekeńniń atynda Taldyqorǵanda Mádenıet saraıy jáne bar.
Endi úshinshi ǵızatlı arys, qazaqtyń dál ózindeı qarapaıym Beıimbet Maıly balasynyń atynda ne ýnıversıtet, ne mýzeı, ne kitaphana, ne teatr da joq eken. Uıat! Ótken jyly ǵana seń qozǵalyp, atyń óshkir Tarannyń aty tuǵyrdan túsip, onyń ornyna sonaý záý zamanda jaıǵasýy tıis edi Bı-aǵań. Já, mehnatty taǵdyryna osyndaı qurmet jazylsa, kimdi kinálarsyń! Ǵabeń, aıaýly Ǵabıt aǵa Músirepovteı namysshyl inisi bolǵanda, Bı-aǵańnyń dańqy TUTAS QAZAQSTAN DA JAŃǴYRYP TURAR EDI...
Qaıran Bı-aǵańdy ǵumyrynyń sońyna deıin aıalap, qasterlep, shyǵarmashylyǵy men ádebı murasyn túgendep, nasıhattap ótken shyn ǵalym, shyn zertteýshi marqum Toqtar aǵa Beıisqulov ta ortamyz da joq... 70 -ten asqan shaǵynda Beıimbettiń shyǵarmashylyq murasynan kandıdattyq dıssertaııa qorǵap, qaıratker Bı-aǵańdy tanytqan osy kisi edi. Qazirgi aramyzda júrgen chınovnık-beıimbettanýshy tek qara basynyń qamyn kúıttegen bireý eken ǵoı...
Desek te, Beıimbetteı klassık jazýshy eki kúnniń birinde týar bolsa, kórer edik qoı.
Beıimbet Maılın - Qazaq ádebıetiniń dara júırigi, qaıtalanbas qalamgeri! "Qazaq deseń, Beıimbet! Beıimbet deseń, qazaq esińe túsedi" emes pe edi...
Qostanaı oblysynyń basshylyǵy iri sóz júıriginiń 125 jyldyq mereıtoıy aıasynda aqynnyń týǵan ólkesinde ádebı-memorıaldyq mýzeıin jasaqtap, Qostanaıdyń qaq ortasynan ashsa, keremet bolar edi. Sosyn Qostanaıdaǵy Tolstoı atyndaǵy oblystyq ǵylymı-ámbebap kitaphananyń atyna qazaq áńgime janrynyń sheberi jáne osy topyraqtyń dańqty týmasy Beıimbet Maılınniń esimin berý- kún tártibindegi kezek kúttirmeıtin másele bolý kerek dep oılaımyn!!!
Úsh arysty bir-birinen alasartpaı, Bı-aǵańdy jetimsiretpeı jáne alalamaı durys baǵalap, qurmetpen qasterleıik!!!
Zor usynyspen,
Eldos Toqtarbaı, jas jazýshy-zertteýshi, QR "Daryn" memlekettik jastar syılyǵynyń laýreaty.
30 qańtar, 2019 jyl, Astana qalasy.
