2023 jyldyń 3 aqpan kúni Astana qalasy B.Maılın atyndaǵy №52 mektep-gımnazııasynda «Parasatty otbasy» atty Muqaǵalı Maqataevtiń týǵan kúnine oraı uıymdastyrylǵan jyr keshi ótti.
Jyr keshine OQÝShY, ATA-ANA, MUǴALIM qatysty. BUL — "ÚShTIK ODAQTYŃ" BIRLESKEN JUMYSY. Sahnaǵa úsh adam (ákesi, anasy, balasy) shyǵyp, aldymen aqıyq aqynnyń jyr shýmaqtary men óleńderin naqyshyna keltirip oryndap, kórermenderdi dán rıza etti. Odan keıin oqýshy balasy “Satylaı keshendi oqytý" tehnologııasy boıynsha qazaq tili men ádebıeti páninen alǵan bilimin ortaǵa saldy, óleńdegi negizgi sózdiń birine dybystyq taldaý jasady. Al sodan soń ata-ana men balasy qosylyp, muzbalaq aqyn Muqaǵalıdyń sózine jazylǵan ásem ánniń birin oryndady. “Naýryz aıy týǵanda”, “Seniń kóziń”, “Esińe meni alǵaısyń”, “Baqyt degen” jáne taǵy basqa tamasha ánder shyrqaldy.
Osylaısha rýhty jyrlarmen tárbıe, dybystyq taldaýmen bilim, áýezdi áýenmen óner pash etildi.
1-synyptan 4-synypqa deıingi jalpy sany 9 komanda qatysyp, zor daıyndyǵymen, ulttyq naqyshtaǵy ádemi kıimderimen tánti etti. Ásirese ádette ýaqyt taba bermeıtin ákelerdiń belsendiligi erekshe ańǵaryldy.
Jınalǵan qonaqtar esti de eski ánderge qosylyp shyrqap, aqynnyń patrıottyq, lırıkalyq óleńderin tyńdap rýhtanyp, taqyldaǵan balalardyń bilimine rıza bolyp otyrdy. Kesh sońynda sóz alǵan mektep dırektory Bekjanova Jáýdir Bahtııarqyzy bul ıgilikti istiń odan da ári jalǵasyn tabatynyn aıtyp, qatysýshylardy marapattady.
Al “Satylaı keshendi oqytý” tehnologııasynyń avtory, pedagogıka ǵylymdarynyń doktory Orazahynova Nursha Aljanbaıqyzy jınalǵan kópshilikke alǵysyn aıtyp, Alash arystarynyń ilimi men ıdeıasyna súıengen ádistemeni qazaq shákirtterine úıretýdegi tabandylyǵyna rızashylyǵyn bildirdi.
"Adyrna" ulttyq portaly
