Respublica partııasynyń tóraǵasy Aıdarbek Hodjanazarov 6 aqpanda Astanada ótetin kezekten tys I Sezdi shaqyrý týraly Jarlyqqa qol qoıdy, dep jazady "Adyrna" ulttyq portaly.
Sezd jumysyna elimizdiń barlyq óńirinen partııa músheleri qatysady. Sharada Respublica partııasynyń Saılaýaldy baǵdarlamasy, sondaı-aq jańartylǵan Jarǵysy tanystyrylyp bekitiledi. Sonymen qatar, partııalyq tizimder jáne bir mandatty aýmaqtyq okrýgter boıynsha usynylǵan Qazaqstan Respýblıkasy Parlamenti Májilisiniń depýtattyǵyna kandıdattarǵa daýys berý ótedi.
«Qazir Ortalyq apparat partııanyń óńirlik bólimshelerimen birlesip, Respublica tarıhyndaǵy mańyzdy partııaishilik is-sharalardyń biri – kezekten tys birinshi Sezge aýqymdy daıyndyq jumystaryn júrgizýde. Barlyq partııa músheleri Sezdi taǵatsyzdana kútýde, óıtkeni bul shara biz úshin tuǵyrnama bolady, jıyn barysynda biz ózimizdiń negizgi ıdeıalarymyz ben usynystarymyzdy jetkizetin bolamyz», - dep atap ótti Aıdarbek Hodjanazarov.
Sezd beıresmı túrde, «galstýksyz» formatta ótedi. Sharaǵa belgili qazaqstandyq kásipkerler men qoǵam qaıratkerleri qatysady. Respublica partııasynyń tóraǵasy, aýyl sharýashylyǵy taýaryn óndirýshi, «Olja Agro» seriktestiginiń basshysy Aıdarbek Hodjanazarov, teń tóraǵalar men kásipkerler – Syrymbek Taý, Rýslan Berdenov, Maksım Baryshev, Dınara Shúkijanova, Qýanysh Shonbaı, Beıbit Álibekov jáne Nurlan Qoıanbaev qatysyp, sóz sóıleıdi.
Partııa týraly
Respublica – memleket qyzmetiniń túrli salalaryn qalpyna keltirýge umtylatyn belsendi azamattardy biriktiretin jańa partııa. Oǵan qazaqstandyq kásipkerler men qoǵam qaıratkerleri tartylǵan. Aýyl sharýashylyǵy taýaryn óndirýshi, «Olja Agro» seriktestiginiń basshysy Aıdarbek Hodjanazarov partııa tóraǵasy boldy. Teńtóraǵalar qatarynda kásipkerler – Syrymbek Taý, Rýslan Berdenov, Maksım Baryshev, Dınara Shúkijanova, Qýanysh Shonbaı, Beıbit Álibekov jáne Nurlan Qoıanbaevtar bar.
Partııanyń basty maqsaty – árbir qazaqstandyq saıası, áleýmettik jáne ekonomıkalyq ózgeristerge óziniń atsalysyp jatqanyn sezinýi úshin el saıasatyna yqpal etý tetikterin jasaý.
Respublica partııasynyń urany – «Jańa adamdar – Jańa qadamdar».
Partııanyń qurylǵany týraly 2022 jyldyń tamyzynda jarııalandy. 2023 jyldyń 18 qańtarynda Respublica partııasy tirkeý qujattaryn qabyldady.
Saılaý-2023
Májilis pen máslıhattardyń merziminen buryn saılaýy jańa ereje boıynsha ótedi. Innovaııalar bıliktiń ókiletti tarmaǵyn neǵurlym básekege qabiletti jáne ádil qalyptastyrýǵa baǵyttalǵan, keńirek kózqarastar palıtrasyn qamtamasyz etedi, sonymen qatar saıası jańǵyrtý aıasyndaǵy reformalardyń jalǵasy bolyp tabylady.
Basty jańalyq – aralas proporıonaldy-majorıtarlyq saılaý júıesine kóshý. Sonymen qatar, endi Májilis depýtattarynyń 70 paıyzy partııalyq tizim boıynsha, 30 paıyzy bir mandatty okrýgter boıynsha saılanady. Aralas saılaý júıesi boıynsha 50-de 50 qatynasy negizinde oblystar men respýblıkalyq mańyzy bar qalalardyń máslıhattaryna da saılaý ótedi. Al aýdandar men oblystyq mańyzy bar qalalardyń máslıhattaryna saılaýda azamattar bir mandatty okrýgterdegi kandıdattarǵa ǵana daýys beredi.
Sondaı-aq, partııalardyń Májiliske ótý shegi 5 paıyzǵa deıin tómendetilip, olardy tirkeý tártibi jeńildetildi.
"Adyrna" ulttyq portaly
