QR Ortalyq saılaý komıssııasynyń ókilderi brıfıngte kandıdattyń saılaýda tólegen saılaý jarnasy qaı jaǵdaıda qaıtarylatynyn jáne onyń qaı jaǵdaıda memleket kirisine aınaldyrylatynyn túsindirdi, dep jazady "Adyrna" ulttyq portaly.
OSK múshesi Sábıla Mustafınanyń aıtýynsha, kandıdatqa nemese partııaǵa saılaý jarnasyn qaıtarý jaǵdaılary "Qazaqstan Respýblıkasyndaǵy saılaý týraly" Konstıtýııalyq zańda jazylǵan.
"Saılaý jarnalary úsh jaǵdaıda qaıtarylady. Birinshisi – eger kandıdat depýtat bolyp saılansa. Ekinshisi – kandıdat nemese saıası partııa daýys berýge qatysqan saılaýshylar sanynyń keminde 5 paıyz daýysyn jınasa. Úshinshiden, ókinishke qaraı, mundaı jaǵdaılar da kezdesedi, sondyqtan ol zańnamada belgilengen: kandıdat nemese saıası partııanyń partııalyq tizimine engizilgen jalǵyz kandıdat qaıtys bolǵan jaǵdaıda, jarna qaıtarylady", - dedi OSK múshesi Sábıla Mustafına.
Ol qalǵan jaǵdaılarda saılaý jarnasy respýblıkalyq bıýdjetke túsetinin aıtty.
"Adyrna" ulttyq portaly
