Qazaqstan prezıdenti «Rýhanı jańǵyrý» jáne oblystyń týrıstik áleýetin damytý baǵdarlamalaryn sapaly iske asyrý qajettigine basa nazar aýdardy.
"Jalpy, ishki óńirlik ónim kólemi 104 paıyzǵa artty. Ósim deńgeıi ónerkásip salasynda 118 paıyzǵa, aýyl sharýashylyǵy boıynsha 107 paıyzǵa jetti. Kózdegen kórsetkishterdiń bárine qol jetkizip kelemiz", – dedi Shyǵys Qazaqstan oblysynyń ákimi.
Sonymen qatar, Ahmetov memleket basshysyna óńirdegi densaýlyq saqtaý salasy boıynsha halyqqa qyzmet kórsetý sapasyn arttyrý úshin qabyldanyp jatqan sharalar týraly málimdedi.
"2015 jyly onkologııa, kardıologııa, ana men bala, travmatologııa sııaqty 4 baǵyttyń qajetti qural-jabdyqtarmen qamtamasyz etilýin anyqtaý maqsatymen densaýlyq saqtaý salasyna taldaý jasadyq.
Sonymen qatar, dárigerler daıarlaýdyń úsh deńgeıli júıesin ázirledik. Bul Semeı qalasyndaǵy Memlekettik medıına ýnıversıtetinde bilim berý, sheberlik synyptaryn ótkizip, shetelde oqytý isin qamtıtyn bolady. Biz osy jumysty odan ári jalǵastyra beremiz", – dedi Shyǵys Qazaqstan oblysynyń ákimi.
Danıal Ahmetov bilim berý, aýyz sýmen qamtý, jańa turǵyn úıler salý jáne eldi mekenderdi abattandyrý salalarynda atqarylyp jatqan jumystar jóninde aıtty.
Kezdesý sońynda memleket basshysy birqatar naqty tapsyrma berdi.
