Iri medıınalyq mekemelerdi jekeshelendirýdiń tıimdiligi qaıta qaralmaq. Bul týraly búgin Úkimet otyrysynda Memleket basshysy Qasym-Jomart Toqaev málimdedi, dep jazady "Adyrna" ulttyq portaly.
«Ulttyq ǵylymı medıına ortalyǵy jaqynda jekemenshikke ótti. Onda búıregin aýystyrǵan naýqastardy ońaltý jumysy toqtatylǵan. Álıhan Ashanuly, iri medıınalyq mekemelerdi jekeshelendirýdiń tıimdiligin qaıta qaraıtyn kez keldi. Budan bólek, medıına kadrlarynyń tapshylyǵy da qıyndyq týǵyzyp otyr. Qalada 600-den astam maman jetispeıdi. Densaýlyq saqtaý mınıstrligi osy máselelerdi sheshý qajet. Bul salaǵa bilikti mamandardy tartyp, olardyń turaqty jumys isteýin qamtamasyz etý kerek. Jeńis Mahmuduly, osy máseleni jeke baqylaýǵa alyńyz. «Elorda jastary» baǵdarlamasyna medıına qyzmetkerlerin qosý múmkindigin qarastyrý kerek»,- dedi Toqaev.
Esterińizge sala keteıik, osyǵan deıin bizdiń Adyrna.kz portalynda dál osy «Ulttyq ǵylymı medıınalyq ortalyqty» jekeshelendirip alǵan qaltalylar jaıly daýly másele kóterilip, "Túıeni túgimen jutqan Baıgenjınder" degen maqala jarııalanǵan edi.
"Adyrna" ulttyq portaly
