Aqmola oblysynda 58 medıınalyq obekti men mektepter salynady: A. Kólginov ulttyq jobalardy júzege asyrýdyń barysymen tanysty

2140
Adyrna.kz Telegram

Premer-Mınıstrdiń orynbasary Altaı Kólginov Aqmola oblysyna jumys sapary aıasynda «Fosterlik otbasylar», «Aýyl Amanaty», «Aýyldyq densaýlyq saqtaýdy jańǵyrtý», «Jaıly mektep», dýaldy oqytý baǵdarlamalaryn júzege asyrýdyń barysymen tanysty.  

Vıe-premer Altaı Kólginov Aqkól aýdanynda balalardy qoldaý ortalyǵynda boldy, onda elde alǵash ret «Fosterlik otbasylar» kásibı bala asyrap alý otbasylaryn qurý jónindegi pılottyq joba iske qosyldy.

«Bul – óte mańyzdy joba jáne ony sapaly iske asyrý úshin barlyq kúsh-jigerimizdi jumsaýymyz qajet. Bizdiń mindetimiz – balalardy áleýmettendirý. Ata-anasynyń qamqorlyǵynsyz qalǵan balalar, otbasynda turyp tárbıelenýi tıis. Oqý-aǵartý mınıstrligi tarapynan da, normatıvtik bazalar boıynsha da qoldaý kórsetiletin bolady», — dedi vıe-premer Altaı Kólginov.

Sondaı-aq Premer-Mınıstrdiń orynbasary Altaı Kólginov «Aýyldyq densaýlyq saqtaýdy jańǵyrtý» jobasy aıasynda Aqkól aýdandyq aýrýhanasynyń qyzmetimen tanysty. Ǵımarat kúrdeli jóndeý men jańǵyrtýdy qajet etedi. Aqmola oblysynda ulttyq joba aıasynda medıınalyq-sanıtarııalyq alǵashqy kómek kórsetýdiń (MSAK) 38 obektisi salynady, birqatar aýdanaralyq aýrýhanada kúrdeli jóndeý men jańǵyrtý jumystary júrgiziledi. Sonymen qatar medıınalyq kómekke qoljetimdilikti arttyrý maqsatynda Kókshetaý qalasynda 630 orynǵa arnalǵan kópbeıindi oblystyq aýrýhana salynady.

Jalpy 2023-2025 jyldary el óńirlerinde jáne shalǵaı aýyldarda 650 MSAK obektisi salynady. Bıyl medıınalyq-sanıtarııalyq alǵashqy kómek kórsetýdiń 300-den astam obektisiniń qurylysy bastalady, sondaı-aq 30-dan astam ortalyq aýdandyq aýrýhanada kúrdeli jóndeý jáne rekonstrýkııalaý jumystary júrgiziledi. Bul sharalar «altyn saǵat» qaǵıdaty boıynsha jergilikti jerlerde medıınalyq kómek alýǵa múmkindik beredi.

Kókshetaý qalasynda Altaı Kólginov «Eurasia Group Kazakhstan» JShS bazasynda dýaldy oqytý baǵdarlamasyn júzege asyrý barysymen tanysty. Agrotehnıkalyq kolledj stýdentteri ózara yntymaqtastyq jónindegi memorandým aıasynda kásiporynda kásibı tájirıbeden ótip, odan ári jumysqa ornalasady. Aqmola oblysy ákimdiginiń aqparaty boıynsha dýaldy oqytý nysany 28 kolledjde qoldanylady, atalǵan tehnologııa boıynsha 4 myńnan astam stýdent bilim alýda.

«Aýyl Amanaty» baǵdarlamasyn júzege asyrý aıasynda Altaı Kólginov sút ónimderin shyǵaratyn «Gormolzavod» JShS-da bolyp, jobanyń alǵashqy qatysýshylarymen kezdesti. Baǵdarlama aıasynda kásiporyn shıkizatty jobaǵa qatysýshylardan satyp alady. Aqmola oblysynyń ákimi Ermek Marjyqpaevtyń aıtýynsha, 2023 jyly baǵdarlamaǵa qatysýshylardy nesıeleý úshin memleket tarapynan Aqmola oblysyna 1,2 mlrd teńge bólindi, osy qarajat aıasynda aýyldyq eldi mekenderde jáne shaǵyn qalalarda jańa bıznes-jobalardy ashýǵa jáne qoldanystaǵy jobalardy keńeıtýge shamamen 250 nesıe berý josparlanýda.

Altaı Kólginov Memleket basshysynyń tapsyrmasy boıynsha aýyl turǵyndarynyń tabysyn arttyrý jónindegi joba 2023 jyldan bastap óńirlerdiń erekshelikteri men áleýmettik-ekonomıkalyq damýyn eskere otyryp, barsha el tóńireginde keńeıtiletinin atap ótti. Osy maqsatta respýblıkalyq bıýdjetten 50 mlrd teńgeden astam qarjy bólindi.

Sondaı-aq oblysta «Jaıly mektep» ulttyq jobasyn júzege asyrý boıynsha jumys júrgizilýde. Aqmola oblysynda 2023-2025 jyldary 26 500 oqýshyǵa arnalǵan 20 mektep salý kózdelgen.

Jumys saparynyń sońynda Soltústik Qazaqstan, Pavlodar, Qostanaı oblystary ákimderi orynbasarlarynyń, densaýlyq saqtaý, eńbek jáne áleýmettik qorǵaý, oqý-aǵartý, aýyl sharýashylyǵy, mádenıet jáne sport, ulttyq ekonomıka vıe-mınıstrleriniń jáne t. b. qatysýymen keńes ótti, onda áleýmettik memlekettik baǵdarlamalardy sapaly júzege asyrý boıynsha birqatar tapsyrmalar berildi.

Buǵan deıin vıe-premer Altaı Kólginov Jambyl, Aqtóbe, Mańǵystaý oblystarynda boldy.

 

Pikirler