Kıeli shahardaǵy tótenshe jaǵdaı (jasóspirimder álimjettigi) DABYL QAǴATYNDAI JAǴDAIǴA JETTI! Osydan keıin ákim qaralar men pogon taqqandar qalaı tynysh jatady eken?! Eldiń aldyna shyǵyp halyqtan keshirim suramaı ma? Jasóspirimderdiń tártibin qadaǵalaı almaı, betimen jiberip alǵandyǵyn ashyq moıyndamaı ma? Bul máseleniń qalada burynnan ýshyǵyp turǵandyǵyn, tek kreslolarynan aırylyp qalmasy úshin mundaı oqıǵalardy barynsha jasyryp, respýblıkaǵa tarap ketýden saqtanǵandaryn naqty aıtpaı ma?
QALAI DESEK TE, BUǴAN EŃ BIRINShI QALA ÁKIMI TIKELEI JAÝAP BERÝI TIIS!
Óıtkeni bilim bólimi men mektep basshylarynyń bárin ákimdik taǵaıyndaıdy. Prokýratýramen de, polıııamen de ákimdik birlesip jumys jasaıdy. Demek, shahardaǵy bolyp jatqan barlyq jaǵdaılardyń jaýapkershiligi eń birinshi - qala ákiminiń moınynda! Bul jerde ákimdi aqtaýdyń esh qajeti joq! Óıtkeni oǵan Elbasy da, oblys basshysy da osy qyzmetti senip tapsyrdy. Endi nege ol osy senimdi aqtamaıdy?!
OL ÓZINIŃ OTYRǴAN ORNY MEN QYZMETI HALYQTYŃ ARQASYNDA EKENIN UMYTPAÝY KEREK! Sondyqtan Óserbaev mundaı jaǵdaıda úndemeı otyra bermeı, halyqtyń isimen, jastardyń máselesimen tikeleı aınalysýy tıis! Kerek bolsa, prokýror men polıııany qasyna ertip alyp, kúndiz-túni qalany aralaýy qajet!
QARAPAIYM SURAQ: Osy úsh sheneýnik birlesip, ómirlerinde bir ret bolsa da mektepterge baryp, jasóspirimdermen erkin formatta kezdesip pe eken? Murty tebindep qalǵan bozbalalarmen áńgimelesip, suraq-jaýap almasyp, "qalada qylmys bolsa, birden bizge habarlańdar!" dep, jeke telefondaryn berip pe eken?! Áı, qaıdam?! Olaı bolǵanda, ákimdiktiń shabarmandary "jerden jeti qoıan tapqandaı" jarysa jarııalar edi ǵoı.
Jasóspirimder qansha qatigezdik jasasa da jazalanbaıtyndyǵyn bilip, bulaı tym erkinsip ketýi - qala bıliginiń basynda otyrǵan sheneýnikterdiń baqylaýdy qoldan jiberip alǵandyǵyn anyq kórsetedi. Endeshe bulardyń halyqtan keshirim suraıtyn jóni bar ma?.. ENDI ONY OLARDYŃ ÓZINIŃ UIaTYNA QALDYRDYQ...
Eske sala keteıik, osydan biraz buryn Saryaǵashta kishkentaı bala zorlanǵanda, ol sot arqyly dáleldengende, oblys ákimi Túımebaev birqatar sheneýnikti qyzmetinen bosatyp, keıbireýine qatań sógis jasaǵan edi. Endi ol Túrkistandaǵy myna jaǵdaıdan keıin ne isteıdi eken? Álde "bul vıdeolardy Elbasy kórip, pikir bildirgen joq qoı" dep, ún-túnsiz otyra bere me? TÚIMEBAEV MYRZA, TÚIMEDEI BOLSA DA HALYQQA JANYŃYZ AShYSA, MYNA JAǴDAIǴA ÓZ BAǴAŃYZDY BERIŃIZ! Únsiz otyrsam, halyq muny umytyp ketedi dep oılaýdyń qajeti joq! Jasóspirimder qylmysy odan saıyn órship ketpeı turǵanda, máseleni halyqqa ashyq ári jarııaly túrde jetkizińiz! Onsyz da qala bıligi jasyryp-jasyryp, aqyry výlkansha jarylyp ketken myna jaǵdaıdy endi sizdiń búrkemelegenińiz jón emes....
Serik Jumabaev
"Adyrna" ulttyq portaly
