23-qańtarda Astana q. «QAZAQSTAN» jeńil atletıkalyq sport kesheninde tuńǵysh ret Astana Meeting World indoor tour Silver halyqaralyq týrnıri ótedi. Týrnır aıasynda 22-qańtar kúni Astana q., «QAZAQSTAN» sport kesheninde BAQ ókilderi úshin arnaıy press-konferenııa josparlanǵan.
Konferenııada jarystyń erekshelikteri týraly aıtylyp, BAQ ókilderiniń suraqtaryna jaýap beriledi. Spıkerler:
- Týrnır dırektory – Ashat Seısembek;
- 400metrge júgirýden Qazaqstan Chempıony, rekordsmen – Mıhaıl Lıtvın;
- Qysqa qashyqtyqqa júgirýden Azııa Chempıony, ulttyq qurama sportshysy – Olga Safronova;
- Ulttyq qurama sportshysy, kedergilermen 400m júgirýden Qazaqstan Chempıony – Adelına Zems;
- Týrnırge qatysýshy juldyzdardyń biri, Álem Chempıonatynyń qysqa qashyqtyqqa júgirýden birneshe dúrkin kúmis júldegeri – Maıkl Rodjers;
- Kedergilermen júgirýden Portýgalııa Chempıony – Jýa Vıtor De Olıvera;
- Amerıkandyq sportshy – Shennon Reı.
Bıyl alǵash ret ótkiziletin baıraqty básekede Qazaqstan, AQSh, Portýgalııa, Brazılııa, Horvatııa, Slovenııa, Kenııa, Efıopııa, Ulybrıtanııa, Kýba, Vengrııa, Barbados, Ózbekstannan 100-ge jýyq sportshy baq synaıdy.
Jarys baǵdarlamasynyń ár túriniń júlde qory 4000 AQSh dollaryn quraıdy. Baǵdarlamaǵa jeńil atletıkalyq jarystardyń 10 túri engizilgen.
ERLER:
- 60m. júgirý;
- kedergilermen 60m. júgirý;
- 800m. júgirý;
- 3000m. júgirý;
- 400m. júgirý.
ÁIELDER:
- 60m. júgirý;
- 400m. júgirý;
- 1500m. júgirý;
- uzyndyqqa sekirý;
- bıiktikke sekirý.
Bul jarys otandyq jeńil atletıkanyń halyqaralyq deńgeıdegi bedelin jáne sportshylar arasyndaǵy básekelestikti arttyrady. Astana meeting elimizdiń jáne Azııa óńiriniń jeńil atletıkasyndaǵy eń bedeldi jarystardyń birine aınalady.
