Barar jer, basar taýy qalmaı, qıyndyqqa tap bolǵan kópbalaly anaǵa halqy shapaǵatyn tókti. Jýrnalıster, qoǵam qaıratkerleri men eriktiler qytymyr qystyń sýyǵynda dalada qalǵan kópbalaly anaǵa qarajat jınaý úshin arnaıy shot ashty. Segiz kún ishinde 22 mıllıon teńgeden astam aqsha jınaldy, dep habarlaıdy “Adyrna” ulttyq portaly.
Kópbalaly ana Nazıra Dúısebaeva qýanyshtan shyqqan kóz jasyn tyıa almady. Onyń jaldap turyp jatqan úıiniń túgi qalmaı órtenip, alty balasymen dalada qalǵan edi. Degenmen abzal ana qonys toıyn toıdady. Ol halqynyń demeýimen eki qabatty úıge qol jetkizdi, dep habarlaıdy otyrar.kz.
Qıyndyqqa tap bolǵan kópbalaly ananyń zaryn estigen jýrnalıster, qoǵam qaıratkerleri men eriktiler qarajat jınaý úshin arnaıy shot ashty. Segiz kún ishinde el azamattarynan oǵan 22 mıllıon teńgeden astam aqsha kelip tústi.
"Qatty qýanyp turmyn. Bul - balalarymnyń baqyty. Aqyry óz úıimizge de qol jetkizdik. Qarapaıym halyqqa ári maǵan kómektesýge nıet bildirgen barlyq adamǵa alǵysym sheksiz. Kezinde osy úıdiń janynan ótip bara jatqanda, osyndaı úıim bolsa ǵoı, shirkin dep armandaýshy edim, endi, mine sol armanym oryndaldy. Balalar kóship kelip, jaıǵasyp jatyr, bólmelerdi bólisip. Aıtqandaı, órtengen jaldamaly úı "Elge qyzmet" qorynyń esebinen tolyqtaı qalpyna keltirildi. Olarǵa da úlken raqmet", - dedi Shymkent qalasynyń turǵyny Nazıra Dúısebaeva.
Kópbalaly ananyń Qaınar bulaq turǵyn alabyndaǵy jańa úıiniń quny 19,5 mıllıon teńgeni quraıdy. Jınalǵan qarajatqa nesıelerdi de jabý múmkin boldy.
"Birinshi kezekte qarapaıym halyqqa alǵys aıtqym keledi. Barlyǵyna kóp raqmet. Nazıra qıyn jaǵdaıda qalǵanda eshkim shette qalmady. Qoǵam belsendileri de, ákimdik te, qarapaıym turǵyndar da múmkindiginshe kómektesti. Biz, tipti 22 mıllıon teńge jınaıtynymyzdy elestete almadyq. 19,5 mıllıon teńgege baspana, qalǵanyna jıhazdar jáne t.b. satyp alyndy. Sondaı-aq Nazıranyń jeti nesıesi jabyldy. Barlyǵyna aqsha jetti", - dedi "Qaınar bulaq" turǵyn úı alabynyń Bas tóraǵasy Aqmaral Ómirzaqova
Nazıra Dúısebaeva osy ýaqytqa deıin baspanaly bolǵanyna sene almaı júr. Kópbalaly ana kórsetken kómegi úshin kópke dán rıza.
“Adyrna” ulttyq portaly
