Endi Týdy qorlaǵandar 10 mln teńge aıyppul tóleıdi. Bul týraly Baq.kz habarlady, dep jazady "Adyrna" ulttyq portaly.
Mádenıet jáne sport vıe-mınıstri Nurǵısa Dáýeshov mınıstrliktiń keńeıtilgen alqa otyrysynda memlekettik rámizderdi qorlaǵandardy jaýapqa tartý qatańdatylǵanyn aıtty. Sózinshe, aıyppul kólemi 3 000 AEK.
Memleket basshysynyń tapsyrmasyna sáıkes, Qylmystyq kodekstiń «Memlekettik rámizderdi qorlaý» týraly 372-babyna ózgerister engizildi. Ózgerister nátıjesinde rámizderdi qorlaý deregi úshin aıyppul kólemi 3 000 AEK-ke (1 AEK – 2023 jyly 3 450 teńge) ulǵaıtyldy jáne qoǵamdyq jumystarǵa tartýdyń eń uzaq merzimi 600-den 900 saǵatqa deıin kóbeıtildi, - dep aıtty Dáýeshov.
2023 jyldan bastap 1 AEK 3 450 teńge, demek 3 000 AEK 10 350 000 teńge bolady.
Onyń sózinshe, byltyr, ıaǵnı 2022 jyly Memlekettik rámizderdiń 30 jyldyǵyn atap óttik. Elimizde ataýly merekege oraı 500 myńnan astam túrli is-shara uıymdastyryldy.
Memleket basshysynyń qoldaýymen 2022 jyly 4 maýsymda respýblıka boıynsha saǵat 10:00-de Memlekettik Ánuran oryndaldy, Memleket basshysynyń qatysýymen eń bıik Týdy kóterý is-sharasy ótti.
Esterińizge sala keteıik, byltyr 25 mamyrda Almatyda «Irına Kaıratovna» men Shiza konertinde top músheleri týǵa qurmet kórsetpeı, sahnada balaǵat sózder aıtqan bolatyn.
"Adyrna" ulttyq portaly
