Ýnıversıada oıyndarynda ozyqpyz - Qaırat Zakırıanov

4063
Adyrna.kz Telegram

AQSh-tyń Leık-Plesıd qalasynda búkil álem kóz tikken Dúnıejúzilik Ýnıversıada  ótip jatyr. Elimizdiń úkilegen úmitin arqalaǵan sportshylarymyz óte jaqsy nátıje kórsetip keledi.  Qorjynymyzda ázirge 3 altyn, 1 qola. Bul úlken jetistik. Óıtkeni komandalyq esep boıynsha úzdik úshtiktiń qataryndamyz.  Mundaı úlken jetistikke jetýimizge stýdentter sportynyń damýyna erekshe yqylastyq tanytqan  QR Ǵylym jáne Joǵary Bilim mınıstrligi birden-bir sebep boldy. Qazaqta «Jaqsynyń jaqsylyǵyn aıt, nury tassyn» degen sóz bar.

Shyny kerek, bul Ýnıversıadaǵa Qazaqstan stýdentteri qatyspaýy da múmkin edi. Úlken qıyndyqtar boldy. Alaıda QR Ǵylym jáne Joǵary Bilim mınıstri Saıasat Nurbekulynyń tabandylyǵynyń arqasynda qarjylyq máseleler tez arada sheshilip, esh kedergi men qıyndyqsyz  sportshylarymyz Amerıkaǵa attandy. Altynnan alqa taǵynǵan stýdent-sportshylardyń jeńisi – kúlli qazaqtyń jeńisi. Búkil el bop qýandyq.

Sportshylardy qoldaý úshin muhıt asyp Amerıka qurlyǵyna barǵan QR Ǵylym jáne Joǵary Bilim mınıstrligi sportshylarymyzben birge jarys jolynda júrdi. Stýdent-sportshylarmen kezdesý ótkizdi. QR Ǵylym jáne Joǵary Bilim mınıstri Saıasat Nurbek: «Stýdentter sportyn qolǵa alyp, damytý jolynda kóptegen jumystar atqaramyz. Stýdentter lıgasy, QR chempıonattaryn ótkizemiz. Sport pen bilimdi ushtastyrǵan ár stýdentke qoldaý kórsetemiz»- dedi. Bul – sportshylarymyzǵa úlken motıvaııa.

Men  Qazaqstan Ulttyq Stýdentter sport Odaǵynyń atynan, stýdentterdiń atynan osyndaı úlken qoldaý kórsetip otyrǵan jańa qurylǵan QR Ǵylym jáne Joǵary bilim mınıstrligine  úlken alǵysymdy bildirgim keledi.

Aıta keteıik, dúnıejúzilik Ýnıversıada -  Olımpıadadan keıingi ekinshi rólge ıe úlken jarys. Ýnıversıadada atoı salyp, el namysyn qorǵaý – sportty serik etken ár stýdenttiń armany.  Elimiz úshin barynsha ter tókken ár stýdent-sportshyǵa sáttilik tileımin.

 Qaırat ZAKIRIaNOV,

Qazaqstan ulttyq stýdentter sport odaǵynyń Prezıdenti

Pikirler