QR Memlekettik keńesshisi Erlan Qarın saıası qýǵyn-súrgin qurbandaryn tolyq aqtaý jónindegi memlekettik komıssııanyń kezekti otyrysyn ótkizdi. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.
"Jıynda Memlekettik komıssııanyń 2022 jyly atqarǵan qyzmetiniń negizgi qorytyndylary qaraldy. Memlekettik komıssııa jumysynyń basty nátıjeleriniń biri retinde saıası qýǵyn-súrgin tarıhyna arnalǵan materıaldar men qujattardyń 31 tomdyq jınaǵynyń jaryq kórgenin aıtýǵa bolady. Otyrys barysynda eńbekti daıyndaǵan avtorlardyń qatysýymen kóptomdyqtyń tusaýkeser rásimi ótti",- delingen Aqorda taratqan habarlamada.
Kitaptar HH ǵasyrdyń 20-50 jyldaryndaǵy saıası qýǵyn-súrgin qurbandarynyń túrli sanattaryna qatysty buryn jarııalanbaǵan arhıv qujattary men materıaldarynan quralǵan. Memlekettik komıssııanyń materıaldaryn jaryqqa shyǵarý jumysy bıyl da biryńǵaı serııa sheńberinde jalǵasatyn bolady.
Sondaı-aq, tıisti memlekettik organdardyń basshylary arnaıy jáne vedomstvolyq arhıv qorlaryndaǵy qujattardy qupııasyzdandyrýǵa, arhıv materıaldaryn júıeleýge jáne ıfrlandyrýǵa qatysty atqarǵan jumystary jaıynda baıandady.
"Saıası qýǵyn-súrgin qurbandaryn tolyq aqtaý jónindegi memlekettik komıssııanyń 2022 jyly atqarǵan jumysynyń qorytyndysy: 1) Bas prokýratýranyń, Ishki ister mınıstrliginiń jáne Ulttyq qaýipsizdik komıtetiniń arhıvterinde zertteý jumystary júrgizilip, 2,5 mıllıonnan astam materıaldar qupııasyzdandyryldy. 2) 311 myń adam aqtaldy. 3) 31 tom derekter jınaǵy jaryqqa shyqty. 2023 jyly da Komıssııa óz jumysyn jalǵastyrady", - dep jazdy Erlan Qarın óziniń Instagram paraqshasynda.
Jıyn sońynda 2023 jyly qolǵa alynatyn basty baǵyttar boıynsha, ǵylymı-zertteý jáne qýǵyn-súrgin qurbandaryn aqtaý jumystaryn jalǵastyrýǵa qatysty tapsyrmalar berildi.
"Adyrna" ulttyq portaly
