Búgin Astana qalasynda «Aq jol» Demokratııalyq partııasy uıymdastyrǵan «Ár qazaq meniń - jalǵyzym» dástúrli fotobaıqaýynyń qorytyndysy shyǵaryldy.
Bıylǵy baıqaýǵa barlyǵy 100-ge jýyq avtordan 340-qa tarta jumys kelip túsken. Barlyq jumys komıssııa qaraýyna jiberildi. Komıssııa quramynda áıgili fotojýrnalıster Shúkiráli Shahaı, Erlan Omarov, belgili jýrnalıst Qaınar Oljaı sekildi tanymal tulǵalar qyzylyq jasady.
Jeńimpazdar men júldegerlerdi saltanatty marapattaý rásimin alǵysózimen ashqan «Aq jol» demokratııalyq partııasynyń tóraǵasy Azat Perýashev barlyq qatysýshylardy quttyqtap, baıqaýdyń mán-jaıy týraly tolǵamdy pikirin aıtty.
«Ár qazaq – meniń jalǵyzym» baıqaýynyń qorytyndysy ótken jyly shyǵýy kerek edi. Prezıdent saılaýy tuspa-tus kelip, búgingi is-sharamyzdy keıinge shegerýge týra keldi. Mine, búgin sonyń sáti kelip tur. Jalpy, portrettik, taqyryptyq jáne ózge de janrlar arqyly elimizdiń ásem tabıǵatyn, qarapaıym eńbek adamdarynyń turmys-tirshiligi men kelbetin, qazaq tarıhynyń mańyzdy oqıǵalaryn, Alash ustanymyn sýret arqyly kórsek degen maqsatpen osy baıqaýdy uıymdastyryp kelemiz. Baıqaýǵa barlyq aımaqtardan kásibı de, áýesqoı da fotograftar qatysty. «Aq jol» partııasy bul baıqaýdyń quryltaıshysy bolsa, sol baıqaýdyń jeńimpazdary men júldegerlerin anyqtaý jumysy osy salanyń belgili maıtalmandaryna júkteldi.
Kún saıyn gazet-jýrnaldarda, aqparattyq saıttarda, túrli pablıkterdegi mátinderde mindetti túrde sýretter bolý kerek. Onsyz oqıǵany elestetý múmkin emes. Sondyqtan fotograftardyń eńbekteri óte zor. Osy tusta, ádilqazy múshelerine, baıqaý qatysýshylaryna da alǵysymdy bildiremin jáne baıqaý jeńimpazdary men júldegerlerin quttyqtaımyn, - dedi Azat Perýashev.
— Baıqaýǵa árqıly fotosýretter tústi. Kóbisi taqyrypty tolyq asha almaǵan. Sondyqtan, biz sýretterdi tańdaý barysynda biraz qınaldyq, 3-4 saǵat talqyladyq. Desede, komıssııa quramy bir baılamǵa keldik. Búgingi jeńis tuǵyrynan kóringen baıqaý qatysýshylaryn quttyqtaımyn. Aldaǵy ýaqytta osy qazaqtyń fotoónerin damytýǵa úlesterińizdi qosa berińizder.
Sonymen qatar, «Ár qazaq – meniń jalǵyzym» degen baıqaýdy jyl saıyn uıymdastyryp, qoldap otyrǵan Azat Turlybekuly ózińizge jáne «Aq jol» partııasyna óz atymnan, barlyq fotograftar atynan alǵys bildiremin. Jumystaryńyz alǵa qaraı basa bersin, osylaı fotograf mamandaryn qoldaǵandaryńyzǵa rahmet aıtamyn, – dedi belgili fotograf, fotobaıqaýdyń qazylar alqasynyń tóraǵasy Shúkiráli Shahaı
Saltanatty marapattaý rásimine «Aq jol» frakııasynyń depýtattary qatysty. Jeńimpazdar men júldegerler estelik dıplomdarmen jáne aqshalaı syılyqtarmen marapattaldy.
«Ár qazaq meniń – jalǵyzym» dástúrli fotobaıqaýynyń jeńimpazdary men júldegerleri:
Kásibı fotograftar arasynda:
I oryn (600 myń teńge) Alharov Ońǵarbek (Almaty qalasy)
II oryn (400 myń teńge) Erdenbek Erbol (Astana qalasy)
III oryn (200 myń teńge) Qyzaıbek Sársenbek (Almaty qalasy)
Áýesqoı fotograftar arasynda:
I oryn (300 myń teńge) Ábdirazaq Shyńǵys (Shymkent qalasy)
II oryn (200 myń teńge) Doanov Ábil (Qostanaı oblysy)
III oryn (100 myń teńge) Ábdikárimova Danagúl (Óskemen qalasy)
Arnaıy júlde:
«Qazaq eli» nomınaııasymen (50 myń teńge) Tóleýbaı Ardaq (Almaty qalasy)
«Kásibim-násibim» nomınaııasymen (50 myń teńge) Mýtıgýllın Amangeldi (Atyraý oblysy)
«Úzdik portret» nomınaııasymen (50 myń teńge) Ábdýraımova Gaýhar (Túrkistan oblysy)
«Baqytty baldaýren» nomınaııasymen (50 myń teńge) Ámirov Marat (Astana qalasy)
