Aqtöbe oblysy Prezidenttıŋ Sailaualdy baǧdarlamasyndaǧy auyl tūrǧyndarynyŋ tabysyn arttyru jönındegı bastamalaryn jüzege asyruǧa alǧaşqylardyŋ bırı bolyp kırıstı. Būl jūmysqa «AMANAT» partiiasy belsendı atsalysuda. Bügın partiia Töraǧasy Erlan Qoşanov öŋırdegı şarua qojalyqtarynyŋ ökılderımen kezdesıp, «Auyl amanaty» jobasynyŋ jaŋa kezeŋın jüzege asyrudy talqylady jäne «Qarjylyq sauattylyqty arttyru» jaŋa partiialyq jobasyn ıske qosty.
Aqtöbe qalasynda Auyl şaruaşylyǧy ministrı Erbol Qaraşökeevtıŋ, oblys äkımı Eraly Toǧjanovtyŋ jäne memlekettık organdar ökılderınıŋ, öŋırdegı auyl şaruaşylyǧy tauaryn öndıruşılerdıŋ qatysuymen «Auyl amanaty» jobasyn ıske asyru mäselelerı boiynşa keŋes öttı. Oǧan barlyǧy 200-den astam adam qatysty.
Partiia Töraǧasy Erlan Qoşanov Prezident Qasym-Jomart Toqaev özınıŋ sailaualdy baǧdarlamasynda auyl mäselesın bırınşı kezekke qoiyp otyrǧanyn atap öttı. Jalpy, aldaǧy 7 jylda auyl tūrǧyndarynyŋ tabysyn arttyruǧa 1 trillion teŋge bölu josparlanyp otyr. Sonyŋ nätijesınde auyl şaruaşylyǧynda 350 myŋnan astam jūmys oryny aşylady dep kütılude.
«Auyl halqynyŋ tūrmysyn jaqsartyp, tabysyn arttyru, barlyq äleumettık mäselelerdı şūǧyl şeşu üşın Ükımet «AMANAT» partiiasymen bırlesıp «Auyl amanaty» jobasyn ıske asyruda. Biyldyŋ özınde ony jüzege asyruǧa 52 milliard teŋge bölındı. Partiia janynan ädısnamalyq süiemeldeudı, azamattar men äkımderdı oqytudy, ötınımderdı qabyldau jäne qarajatty bölu prosesınıŋ monitoringın qamtamasyz etetın Jobalyq keŋse aşyldy. Būl – auyldardy köteruge mümkındık beretın naqty qadam», - dedı Erlan Qoşanov.Ol jobanyŋ pilottyq ülgısı Jambyl oblysynda jemıstı jüzege asyrylǧanyn, nätijesınde 11 auyldyq okrugte ortaşa ailyq tabys 1,7 ese öskenın, atauly äleumettık kömek aluşylar sany 3 esege azaiǧanyn, jūmyssyzdar sany 36% tömendegenın atap öttı. «AMANAT» partiiasy men Ükımettıŋ mındetı – «Auyl amanaty» jobasyn barlyq öŋırge engızu. Jobanyŋ barlyq artyqşylyǧy turaly halyqty dūrys habardar etu de maŋyzdy. «Auyl amanaty» jobasy aiasynda nesie aludyŋ yŋǧaily ärı jyldam boluyna erekşe nazar audarylady. Ötınım ESQ arqyly arnaiy sifrlyq platformada onlain berıledı. Sonymen qatar, eger būryn nesienı maqūldau üş aptaǧa sozylsa, qazır ol eŋ köp degende üş saǧatqa sozyluy kerek. Qajettı mälımetter barlyq qol jetımdı derekqorlardan avtomatty türde jinalady. Qazırgı uaqytta sifrlyq platforma pilottyq rejimde jūmys ısteidı. Osy künı Erlan Qoşanov Märtök audanynyŋ tūrǧyndarymen, «Auyl amanaty» jobasynyŋ qatysuşylarymen kezdesıp, jobanyŋ negızgı baǧyttary turaly aityp, tūrǧyndardyŋ sūraqtaryna jauap berdı. Partiia Töraǧasynyŋ qatysuymen alǧaşqy qaryz resımdeldı – şarua qojalyqtarynyŋ bırınıŋ basşysy Täŋırbergen auylynyŋ tūrǧynyna 4 mln teŋgege tauarlyq nesie berdı. Sondai-aq, Märtök audanynda auyl tūrǧyndarynyŋ qarjylyq sauattylyǧyn arttyruǧa baǧyttalǧan «Qarjylyq sauattylyqty arttyru» partiialyq jobasy bastaldy.
«Būl auyl tūrǧyndaryn alaiaqtardyŋ yqpalynan, qarjy piramidalaryna aldanyp qaludan jäne basqa da kümändı qarjylyq operasiialardan qorǧauǧa kömektesedı. Mūndai jaǧdailarǧa tap bolǧan adamdarǧa konsultasiialyq kömek körsetıledı. Aldaǧy uaqytta 166 qarjy sarapşysy 250 myŋ adamdy qamti otyryp, elımızdıŋ şalǧaiyndaǧy barlyq eldı mekendı aralap şyǧady. Oqytudyŋ bır kursy 5 künge sozylady», - dedı partiia Töraǧasy.Barlyq kezdesude Erlan Qoşanov auyldy damytu – Memleket basşysy saiasatynyŋ basty basymdyǧy ekenın atap öttı. Būǧan qomaqty qarjy bölınedı. Auyldardyŋ infraqūrylymyn – joldardy, densaulyq saqtau, bılım beru jüielerın jäne t.b. aitarlyqtai jaqsartu josparlanuda. Jūmys oryndary aşyluda. Al «AMANAT» partiiasy Prezident baǧytynyŋ qoǧamdyq tıregı retınde osy mındetterge qoldau körsetu üşın özınıŋ barlyq resursyn jūmyldyruǧa niettı. Partiia filialdary osy baǧytta jūmys ısteidı.
