Býrabaıdaǵy «Baldaýren» saýyqtyrý ortalyǵynda kóz jumǵan jasóspirimniń eshqandaı onkologııalyq aýrýy bolmaǵan. Dárigerler lagerge keterden bes kún buryn ǵana tolyq medıınalyq tekserýden ótken Nurdáýlet Manaptyń densaýlyǵynan esh kinárat tappaǵan, dep habarlaıdy «Adyrna» tilshisi «KTK» arnasyna silteme jasap.
«Biz saraptama tujyrymymen múldem kelispeımiz! Onyń aǵzasynda qany az, boıynda qaterli isik bar deýi tipti durys emes. Lagerge barar aldynda ǵana tolyq tekseristen ótti. Sol kezde qaterli isiktiń bir belgisi bolmas pa edi?! Taptaza, esh syrqat tabylmaǵan. Biz buny bulaı qaldyrmaımyz»,—dedi Hromtaý aýdany aýrýhanasynyń bas dárigeri Maqsat Serǵazın.
Nurdáýlet Manap lagerge attanar aldynda tekseristen ótipti. Analıziniń bári durys bolǵan deıdi dárigerler. Onyń ústine jasóspirim eshqandaı esepte turmaǵan. Tipti onkologııa aýrýy da bolmapty. Alaıda balanyń denesine saraptama jasaǵan Kókshetaýdaǵy mamandar marqum qaterli isikten kóz jumdy dep otyr. Tipti ulynyń denesin alyp ketýge kelgen týystaryna naqty ólim sebebi jazylǵan bir japyraq qaǵaz ustatypty. Býrabaıdaǵy «Baldaýren» saýyqtyrý ortalyǵyna demalýǵa kelgen 14 jastaǵy bala keshe kóz jumdy. Nurdáýlettiń túnimen ishi aýyryp, tań ata jedel járdem kelgenshe qaıtys boldy deıdi lager basshylary. Atalmysh oqıǵaǵa qatysty qazir polıııa tergeý júrgizip jatyr.
«11 qańtar kúni jasalǵan saraptamada balanyń ólimine aǵzanyń qan azdyǵy jáne jambasta qaterli isiktiń paıda bolýy sebep bolǵan. Tergeý jalǵasyp jatyr»,—dep túsindirdi Aqmola oblysy PD baspasóz qyzmetiniń jetekshisi Gúlnar Pınchýk.
