Elordadaǧy Alaş tasjolynda ornalasqan köpır jaryldy. Būl turaly äleumettık jelıde video tarady, dep habarlaidy “Adyrna” ūlttyq portaly.
Bolǧan jaitqa qatysty Astana qalalyq kölık jäne jol-kölık infraqūrylymyn damytu basqarmasy tüsınık berdı.
"Alaş tasjolyndaǧy "bükır köpır" būǧan deiın apatty dep tanylǧan edı. Osyǧan bailanysty jol ötpesınıŋ oŋ jaq bölıgı jöndelıp, qozǧalys 2022 jyly jazda aşyldy. Köldeneŋ asfaltbeton jabynynyŋ ışınara deformasiiasy jol ötpesınıŋ jöndelmegen tūsy – sol jaq bölıgınde oryn aldy. Osy oraida jol belgılerı qoiylyp, uchaskenı qalpyna keltıru jūmysy jürgızılıp jatyr", - delıngen taratylǧan aqparatta.
Sondai-aq, habarlamada aitylǧandai jol-qūrylys jūmystary mausymy bastalysymen qozǧalysty qalpyna keltıru üşın jol ötpesınıŋ sol jaq bölıgın jabu josparlanǧan.
"Köpırdıŋ zaqymdanuyn eskere otyryp, jol ötpesınıŋ sol jaǧymen avtokölık qozǧalysy uaqytşa jabylady. Degenmen kölık qūraldary üşın köpırdıŋ ekı jaq bölıgımen de qozǧalys qamtamasyz etıledı", - deidı basqarmadan.
Odan bölek, "Ikomek" ortalyǧynyŋ äleumettık jelıdegı jauabynda jol tösemın qalpyna keltıru jūmysy 15 qaŋtarǧa deiın jürgızıletını aitylǧan.
Eske salaiyq, 2020 jyly atalǧan köpır opyrylyp qūlaǧan edı.
