Elordadaǵy Alash tasjolynda ornalasqan kópir jaryldy. Bul týraly áleýmettik jelide vıdeo tarady, dep habarlaıdy “Adyrna” ulttyq portaly.
Bolǵan jaıtqa qatysty Astana qalalyq kólik jáne jol-kólik ınfraqurylymyn damytý basqarmasy túsinik berdi.
"Alash tasjolyndaǵy "búkir kópir" buǵan deıin apatty dep tanylǵan edi. Osyǵan baılanysty jol ótpesiniń oń jaq bóligi jóndelip, qozǵalys 2022 jyly jazda ashyldy. Kóldeneń asfaltbeton jabynynyń ishinara deformaııasy jol ótpesiniń jóndelmegen tusy – sol jaq bóliginde oryn aldy. Osy oraıda jol belgileri qoıylyp, ýchaskeni qalpyna keltirý jumysy júrgizilip jatyr", - delingen taratylǵan aqparatta.
Sondaı-aq, habarlamada aıtylǵandaı jol-qurylys jumystary maýsymy bastalysymen qozǵalysty qalpyna keltirý úshin jol ótpesiniń sol jaq bóligin jabý josparlanǵan.
"Kópirdiń zaqymdanýyn eskere otyryp, jol ótpesiniń sol jaǵymen avtokólik qozǵalysy ýaqytsha jabylady. Degenmen kólik quraldary úshin kópirdiń eki jaq bóligimen de qozǵalys qamtamasyz etiledi", - deıdi basqarmadan.
Odan bólek, "Ikomek" ortalyǵynyń áleýmettik jelidegi jaýabynda jol tósemin qalpyna keltirý jumysy 15 qańtarǵa deıin júrgiziletini aıtylǵan.
Eske salaıyq, 2020 jyly atalǵan kópir opyrylyp qulaǵan edi.
