Dubaiǧa jūmys ısteuge ketken qazaqstandyq azamat joǧalyp kettı. Bül turaly LIFE09 aqparat agenttıgı jazdy, dep habarlaidy “Adyrna” ūlttyq portaly.
Qazbekov İslambek 2022 jyldyŋ qyrküiek aiynda Dubai qalasyna jūmys ısteuge ketken. Bıraq jyl soŋyna qarai İslambek dostaryna belgısız adamdardyŋ aituymen Tailandqa auysqanyn aitqan. Keiınnen Tailand, Laos, Mianma elderımen şektesetın «Zolotoi treugolnik» degen jerge aldanyp kelgenın mälımdegen. Bıraq 27 jeltoqsannan berı bailanysqa şyqpaǧan.
Joǧalǧan azamat soŋǧy habarlamasynda tüsınıksız jäittardyŋ bolyp jatqanyn dostaryna eskertıptı.
«Zolotoi treugolnik» degen jerge kelgenşe 10 postan öttık. Qaida tap bolǧanymdy sonda kelgende ǧana tüsındım. Janymda 1 qazaqstandyq jıgıt, 2 päkıstandyq jäne taǧy bır adam bar. Bızge basynda audarmaşy bolasyŋdar degen, keiınnen satu jūmystarymen ainalysasyŋdar dedı. Satudan qajettı aqşany tappasaŋdar, aqşany özderıŋ töleisıŋder dep aitty. Al ol aqşany ötep bere almasaŋ ūramyz, qūldyqqa salamyz, türmege qamaimyz deidı. Endı bır amal bolsa, qaityp ketuge tyrysamyz. Eger menen habar üzılıp qalsa, jaǧdaidyŋ qiyndaǧany dep tüsınıŋder» delıngen joǧalǧan jıgıttıŋ soŋǧy habarlamasynda.
Joǧalǧan qazaqstandyq azamattyŋ dostarynyŋ aituynşa İslamdy qūldyqta ūstap otyruy mümkın deidı.
Memlekettık organdar joǧalǧan azamat turaly qandai da bır aqparat bılu üşın jūmys ısteude. Atalǧan jerde zaŋnyŋ küşı asa jüre bermeidı. Būrynǧy täjırbieler körsetkendei, ol elderde osyndai jaǧdaiǧa tap bolǧan adamdardy qaitaru üşın qomaqty qarjy sūraidy.
