Instagramdaǵy direct-ge aktrısa retinde qurmetteıtin, tal boıynda bir min joq Gúlsharat hanym pedofılder týraly qozǵaýymdy ótinipti. Erterekte qyz balany oıy buzyqtardan qorǵaıtyn edik. Sońǵy kezderi ul balamyzdy da kózimizden tasa etpeýge tyrysyp júrmiz. Bala tárbıelep otyrǵan árbir ata-ana meniń bul postymdy jadynda saqtaýyn ótinemin. Burynnan oqyp kele jatqan kóziqaraqty oqyrmandarym áleýmettik jelide únemi qoǵamda bolyp jatqan pedofılder týraly biraz post jazyp, jýrnalıstik zertteýimdi bóliskenimnen habardar.
Al endi myna áńgimeni osydan úsh jyl buryn jazdym. Jýrnalıstik zertteýimdi bireý oqysa, endi biri oqymaǵany anyq. Sondyqtan da, myna tómende jazǵandarymdy eske myqtap ustap, óz paraqshalaryńyzǵa saqtap qoıyńyzdar.
Esterińizde me, maýsym aıynda (2015 jyly) Almaty qalasy, Bostandyq aýdanyndaǵy kóp qabatty úılerdiń birinde 12 jasar qyzdy bir pedofıl zorlamaqshy bolady. Ony búkil telearna kórsetti. Podezdegi beınekameradan kórip otyryp, meniń ózimniń denem túrshigip ketti. Sol kúni jumys babymen Bostandyq aýdany IIB-ne barsam, sonda osy isti júrgizip jatyr eken.
- Aıtpaqshy, siz qaıda turasyz? - dedi tergeýshi.
Meniń turatyn jerimdi bilgen polıııa qyzmetkeri:
- Keshegi oqıǵa siz turyp jatqan úıdiń janyndaǵy 5 qabatty úıde bolǵan.
Kózim sharamnan shyǵyp kete jazdaǵan men:
- Ol jaýyzdy ustadyńyzdar ma? - dep suradym.
- Ondaılar ustata ma, biraq, qolymyzda fakt bar. Qazir sýretin barlyq jerge qoıyp qoıdyq.
- Vıdeoda 15 sekýnd kórsetilgen. Áıteýir, qyz aman ba?
- Óziniń degenin isteı almaǵan. Shúkir, qyzǵa tıispegen.
Abyroı bolǵanda ol eki aıaqty ıttiń aram pıǵyly iske aspaı qalǵanyna qatty qýandym. Biraq baıǵus qyzdyń judyryqtaı júreginen dym qalmaǵan shyǵar. Bul jaýyzdar tapa-tal túske de qaramaıdy eken. Ras aıtamyn sol kúni úıge kelgennen keıin, úı jaǵym kúzetshilerge tolyp, júz kamera bolsa da, júregim alqymymnan shyqty. Jan-jaǵyma alaq-julaq etip, myń márte qaraǵan shyǵarmyn. Dál janymdaǵy 5 qabatty úılerdi terezemnen qaraımyn da, talaı ret sol jerlerge kóligimdi tún jarymynda qoıǵan kezderim esime túsip, qalshyldap ketem. Al ózderińiz oılańyzdar, kip-kishkentaı qyzdyń kúıin. Úıge kire salysymen sol kúni osy pedofılder týraly zertteı bastadym. Aqparattardy oqyp otyryp tańdanbasqa bolmady.
Pedofılderdi zerttep júrgen psıholog pen psıhıatrlardyń ózi túsinbeı júrgenge uqsaıdy. Aýrý deıin dese, saý adamnyń tamaǵyn jep, tirligin jasaıdy eken. Máselen, Reseıde osydan birneshe jyl buryn bir kishkentaı qyzdy zorlap, óltirgen manıak-pedofıldi ustaý úshin, tizimge ilingen pedofıldarǵa tekserý júrgizgen. Sonyń ishinde bireýi óte bilimdi kisi eken. Alaıda áıeli óziniń kúıeýin qatty jaqsy kórgendikten, kúıeýiniń qylmysyn bilse de, jasyrypty.
Biraq 3 kúnnen soń, áıeli kúıeýin ustap bergen kórinedi.
- Men joldasymdy qatty súıdim. Biraq dál mynadaı qadamǵa barǵanyna sene almadym bastapqyda. 11-12 jastaǵy pák qyzdardy zorlap, óltirgeni meniń janyma qatty batty. Sol úshin aldaryńyzǵa kelip otyrmyn, - deıdi jary.
Taǵy bir mysal, sol Reseıde muǵalim pedofıl ustalǵan kórinedi. Tili óte maıda. Birden balalardy ózine baýlap alady. Úlgili ustazdy búkil mektep qatty qurmettegen. Ustalmas pa edi kim bilsin, eger 11 jastaǵy pysyq qyz sol kúni qashyp ketpegende. Barlyǵy tańdanyp "Onyń túrine qarasańyz, adamǵa qııanat jasamaq túgili, shybyn da óltirmeıtin kisi sııaqty, sumdyq" dep jaǵalaryn ustaýda áriptesteri.
Amerıkandyqtar pedofıldarmen qanshama jyldar kúresip keledi. Túrli trenıngter de júrgizip jatyr. Máselen, balabaqshadaǵy ul-qyzdardy psıhologııalyq turǵyda zerttegen. Sondaǵy baıqaǵany 95 paıyz bala ańǵal bolyp keledi. Olarǵa "Ana jaqta seniń mamań kútip tur, júr aparaıyn" dese, erip kete barǵan. Sonyń ishinde bir ǵana balaqaı "Joq, meniń mamam qaıtse de, osy jerge keledi. Men sizdi tanymaımyn" dep aıqaılaǵan. Kórdińiz be, keıde balalardyń úıde ata-anamen ashylyp sóıleskenniń arqasy bul.
Ata-analarǵa aıtarym kúndelikti balalaryńyzǵa aıtyp otyryńyzdar:
1. Eshqashan jalǵyz júrmesin. Janynda toptasqan dostary bolsyn.
2. Bóten adamnyń shaqyrǵanyna barmasyn. Aqsha usynǵan jaǵdaıda bolsa, almasyn.
3. Kúndelikti balalaryńyzdyń nemen aınalysqanyn qadaǵalańyz. Vkontakte men túrli jelide otyrǵan balalaryńyzdy qadaǵalańyzdar. Ol jerde neshe túrli aǵymdar bar. Álde, kompıýter, planshet, smartfonyna túrli joldaǵy pornografııalyq jelini alyp tastaıtyn fýnkııany qosyp berińiz. "Rodıtelskıı kontrol" degen bolady.
4. Balańyzdyń qolyna ysqyryq, álde qazir shyǵyp jatqan kompas GPS saǵatty baılap qoıyńyz. Ágárákı, bóten erkek janyna jaqyndaǵanda, ol dereý saǵatyn basyp, álde ysqyryqpen shaqyra qoıady. Negizi GPS saǵatyn taǵyp júrse, ózińiz de bilip otyrasyz balańyzdyń qaı jerde júrgenin.
Dúnıejúzinde osy pedofıldardan kúnine júzdegen bala zardap shegýde. Bul aıyqpas aýrý eken. Munymen aýyrǵandar ózderin toqtata almaıdy. Jazasyn alǵannan soń báribir sol istegenin jasaıdy. Erterekte grekter mundaı pedofıl jaýyzdardyń sol jerin egeýquıryqtarǵa jegizgen (onyń sýreti de bar, biraq bul jerge qoımadym). Sony basqa er adamdarǵa kórsetken. Sebebi, erkekterge sabaq bolsyn deıdi. Bul pedofıldar Keńes úkimeti tusynda da bolǵan, biraq ondaı nárselerdi kóbinese halyqqa jetkizbegen. Qupııa túrde ózderi jazalaǵan.
Al ata-ana, sizderge aıtarym, kózderińizdiń aq pen qarasy bolǵan qulyndaryńyzben kúndelikti syrlasyp jəne olar myna qaǵıdalardy ustanyp júrse, pedofıl túgili saıtan da janyna jaqyndaı almaıdy. Aman júrsin jer betindegi árbir balaqaı, ÁÝMIN!
Bıbigúl Dáýletbekqyzy
