Jańa jyl merekesiniń qarsańynda Shymkentte «Nurly jer» memlekettik baǵdarlamasy aıasynda «Baqytty otbasy» baǵyty boıynsha 120 otbasy nesıelik baspanaǵa qol jetkizip, qonys toıyn toılady.
Páter kiltin tapsyrýǵa arnalǵan saltanatty sharaǵa Shymkent qalasy maslıhatynyń hatshysy Bahadyr Narymbetov pen qala ákiminiń orynbasary Maqsut Isahov qatysyp, azamattardyń qýanyshyn bólisti.
Aıta keteıik, atalǵan turǵyn úılerdiń qurylys jumystaryn «Iýgstroıservıs-N»-JShS-i men «Orıon LTD» JShS-i merdiger mekemeleri júrgizgen.
Shymkent qalasynda bıyl 1 527 azamat satyp alý quqyǵynsyz arendalyq pátermen qamtamasyz etilse, onyń 857-i jastar baǵdarlamasy negizinde 5 jylǵa tabystalýda. Odan bólek nesıelik negizde 1 269 azamat baspanamen qamtyldy.
