Búgin QR Prezıdenti Qasym-Jomart Toqaev Senat otyrysyna qatysty. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.
Memleket basshysy aldymyzda turǵan negizgi maqsat elimizdegi turaqtylyqty, qaýipsizdikti saqtap qalý, Qazaqstannyń jarqyn bolashaqqa qaraı qarqyndy damýyna jol ashyp berý ekenin atap ótip, kelesi jyly barlyq saladaǵy reformalar jalǵasyn tabatynyn jetkizdi.
– Bıyl elimiz zor qaterge tap boldy. Degenmen biz qıyndyqtyń bárin eńserdik. Barlyq salada júıeli reformalardy qolǵa aldyq. Úsh jarym jyl buryn bastalǵan saıası ózgerister bıyl tyń qarqynmen jalǵasty. Reformanyń aýqymy keńeıdi. Biz úshin bul ózgeristerdi jalpyulttyq dıalog arqyly júzege asyrý óte mańyzdy. Osy máselege baılanysty Parlamenttiń róli áldeqaıda joǵary bolmaq. Sondyqtan kele jatqan Parlamenttik saılaýǵa men ózim Memleket basshysy retinde aıryqsha mán berip otyrmyn. Bul saılaý elimizdiń zańyna sáıkes ádil jáne ashyq ótýge tıis, – dedi Prezıdent.
Sonymen qatar Qasym-Jomart Toqaev azamattardyń memleket basqarý isine qatysý múmkindigin birtindep arttyryp jatqanymyzdy jáne Konstıtýııalyq reformalar arqyly kóptegen ózgeris jasaǵanymyzdy atap ótti.
– Kúshti Parlamenti bar Prezıdenttik respýblıka júıesine kóshtik. Prezıdenttiń jaqyn týystaryna joǵary laýazymdardy ıelenýge tyıym salyndy. Al Prezıdenttiń ózi qyzmetin atqarǵan kezde eshbir partııaǵa múshe bolmaýǵa tıis. Bul talap zań júzinde bekitildi. Memleket basshysy saıası kúshterdiń bárinen tysqary turady. Endi Prezıdent 7 jyldyq merzimge bir ret qana saılanatyn boldy. Iaǵnı, bılikti jeke-dara ıelenýge jol berilmeıdi. Joǵary laýazym ıeleri aýysyp otyrady. Saıası úderister ashyq, saıası júıe ornyqty bolady. Birqatar ókilettikter Prezıdentten Parlamentke, ortalyqtan aımaqtarǵa berildi. Aralas saılaý júıesi engizildi. Parlamenttiń róli jáne mártebesi artty. Saıası partııalardy tirkeý tártibi jeńildedi. Atalǵan mańyzdy ózgerister Konstıtýııaǵa engizildi. Elimizde jalpyulttyq referendým jáne Prezıdent saılaýy ótti. Jurtshylyq reformalardy qoldap, daýys berdi, – dedi Qasym-Jomart Toqaev.
Memleket basshysy adam quqyǵyn qorǵaý salasyna árdaıym aıryqsha mán beretinine toqtalyp, sońǵy jyldary bul baǵytta aıtarlyqtaı ilgerileý bar ekenin aıtty.
– Ólim jazasyna birjola tyıym saldyq. Turmystyq zorlyq-zombylyq jasaǵan adamdarǵa jaza qataıdy. Sot reformasy júzege asyrylyp jatyr. Zań ústemdigi jáne qazylardyń derbes ári ádil bolýy – basty nazarda. Taǵy da qaıtalap aıtamyn: ádildik pen zańdylyqty qamtamasyz etý – memlekettiń mindeti. Qoǵam bizden osyny kútip otyr. Sondyqtan bıyl adam quqyǵyn qorǵaý júıesin jetildirý jumysy jalǵasty. Adam quqyqtary jónindegi ýákilge konstıtýııalyq kepildik jáne ımmýnıtet berildi. Bas prokýrordyń quqyq qorǵaý quzyreti kúsheıtildi. Konstıtýııalyq Sottyń qurylýy asa mańyzdy qadam boldy. Bul organ jańa jyldan bastap jumysqa kirisedi. Ol Ata zań normalarynyń qatań saqtalýyn qamtamasyz etedi. Konstıtýııalyq Sot azamattardyń quqyqtary men bostandyqtaryn qorǵaý isine zor úles qosady dep senemin, – dedi Memleket basshysy.
Prezıdenttiń aıtýynsha, bul bastama azamattarymyzdyń óz quqyǵy men erkindigin qorǵaýyna jańa múmkindik beredi. Konstıtýııalyq sottyń mundaı modeli damyǵan elderdiń kópshiliginde qoldanylady jáne Konstıtýııanyń ústemdigin ornatýǵa yqpal etedi.
– Azamattardyń konstıtýııalyq quqyqtarynyń buzylýyna qatysty ótinishterimen jıi aınalysatyn Bas prokýror men Adam quqyqtary jónindegi ýákil de Konstıtýııalyq Sotqa júgine alady. Qarasha aıynda Parlament «Konstıtýııalyq Sot týraly» Konstıtýııalyq zań qabyldady, ol onyń jumys tártibin retteıdi jáne konstıtýııalyq is júrgizý prınıpterin anyqtaıdy. Qazirgi ýaqytta Konstıtýııalyq Sot apparatyn reformalaý jumystary aıaqtalyp keledi, – dedi Memleket basshysy.
"Adyrna" ulttyq portaly
