Memorıal avtorlary synshylarǵa ádil jaýap qaıtardy

2954
Adyrna.kz Telegram

Almatyda «Taǵzym» memorıalyjaıynda áleýmettik jelide birqatar synı aqparat tarady. Búkil azamattyq koǵam men eldiń tarıhyna erekshe mańyzy bar orynǵa barǵan keı azamattar avtorlardyń konepııasyn durys túsinbeı, bos jerde orynsyz shý shyǵardy. Osyǵan oraı bizdiń redakııa memorıaldyń avtorlary – Alekseı Ivjenko men Gaını Saǵıdýllaevamen baılanysqa shyǵyp, qajetti jaýaptardy aldy.         

«Beınejazbada keltirilgen derekter shyndyqqa sáıkes kelmeıdi. Eń aldymen, sóılep turǵan adamnyń múldem maman emes ekenin aıtý kerek. Kafel men granıtti ajyrata almaıdy.

Bul memorıal jasandy tastardan, kafelden emes, tek tabıǵı tastardan, ıaǵnı granıtten, mármárdan, slaneten jasalǵan.

Slaneten jasalǵan stelalarda onyń býyndarynyń sáıkes kelmeýi qalypty jaǵdaı. Qaıǵy men qasiretti meńzeıtin bul stelalar ádeıi solaı jaqparly, ıaǵnı tegis emes túrde jasalǵan», dep atap ótti Alekseı Ivjenko.

Onyń aıtýynsha, dekoratıvti tastardan jasalsa, olar dálme-dál ornatylatyny sózsiz, al kedir-budyr tabıǵı tastardan jasalǵandyqtan tastar arasyndaǵy alshaqtyqtar qalypty dúnıe.

Sondaı-aq, bul avtorlyq ıdeıa retinde jańa kózqarasta, ıaǵnı ádeıi solaı iske asqanyn atap ótý qajet. Kedir-budyr qara tastar qańtardaǵy jaǵdaıdy, qasiret, qorqynysh pen haosty beıneleıdi.

Onyń áriptesi Gaını Saǵıdýllaeva granıttegi jasalǵan drenajdyq júıeni de túsindirip ótti.

«Taza granıten, ıaǵnı tabıǵı tastan jasalǵan edenústi plıtka sý tıgende, aýanyń ylǵalymen, sýyqta óz túsin ózgertip otyrady. Ony kez kelgen maman biledi. Joǵary ylǵaldylyqta granıttiń túsiniń basqa bolyp kórinýi (onyń ústine telefonǵa túsirilgen jazbada) ol kir degendi bildirmeıdi! Úshinshiden, jerdegi plıtkalar arasyndaǵy alshaqtyq ta arnaıy sý aǵatyn arna retinde jasalynǵan. Iaǵnı «el» emes, jańbyrdyń, erigen qardyń sýy aǵyp ketetin jer», – dedi arhıtektor.

Mamandardyń aıtýynsha, jazba avtory bilmestikpen be, álde basqa ma, negizi jalǵan aqparat berip, memorıaldy qaralap otyr. Osyny eskergen jón.

«Al jazba avtory ashyp kórsetip otyrǵan, ıaǵnı julynyp qaldy-mys degen plıtkaǵa kelsek, ol shyndyq bolýy múmkin, árıne. Biraq, osynshama jalǵan sóılegen adamnyń ony ádeıi julyp almasyna kim kepil? Qys mezgilinde – aýa temperatýrasy tómen kezde júrgizilgen soń kez-kelgen qurylysshy, sáýletshi belgili bir táýekeldiń, syzat, jaryqshaqtyń bolatynyn biledi.

Avtorlyq bul joba bizdiń baqylaýymyzda, kepildik mindetteme boıynsha kemshilikter túzetiledi dep senimdi túrde aıtamyz. Bul zań talaby. Qazir keı plıta aýystyryldy, qajetti jumystar júrgizilip jatyr», – dedi mamandar.

«Bitken iske synshy kóp» degen. Kásibı qoǵamdastyq bizdiń jumysqa oń pikir aıtyp, jaqsy baǵa bergen. Sol sebepti tyrnaqtyń astynan kir izdegen adam qansha shedevr jasasań da, kemshilik tabady. Beıne túsirip, haıp jasap, upaı jınaǵansha memorıaldy jaqsartýdyń jolyn birge izdegenimiz abzalyraq bolar edi», – dep qorytyndylady Ivjenko.

Aıta keteıik, Almatydaǵy «Taǵzym» memorıaly 23 jeltoqsan kúni ashylǵan bolatyn.

Dalanews.kz 

Pikirler