Qytaıda ómir súrgen etnıkalyq qazaq, áıgili jazýshy, professor, aýdarmashy, Shyńjań oqý-aǵartý ınıstıtýtynyń burynǵy rektory, til mamany, ádebıettanýshy-ǵalym Áýelqan Qalıuly 83 jasqa qaraǵan shaǵynda Qytaıdyń Úrimji qalasynda qaıtys boldy. Bul jaıly "Adyrna" ulttyq portaly habarlady.
Ǵalymnyń ónegeli ómiri kópke úlgi bolyp, ǵylymı aıdynda ushan-teńiz mol murasy qaldy.
Áýelhan Qalıuly 1939 jyly QHR aýmaǵyndaǵy Shyńjań, Altaı aımaǵynyń Býryltoǵaı aýdany Jetiaral aýylynda dúnıege kelgen. Shyńjań pedagogıkalyq ınstıtýtyn bitirgen. Sol ınstıtýtta (1959-1978), Shyńjań ýnıversıtetinde (1978-1995) sabaq berdi. 1995 jyldan Shyńjań oqý-aǵartý ınstıtýtynyń rektory bolǵan.
Onyń Qazaq tili men ádebıeti máselelerin zertteýge arnalǵan «Jazýshylyqtyń negizderi», «Qazirgi qazaq tiliniń stılıstıkasy» sekildi shyǵarmalary joǵary oqý oryndarynda jeke pán retinde oqytylǵan. «Qazaq aýyz ádebıetine sholý» atty monografııalary jáne «Ádebıetimiz týraly keıbir oılar» dep atalǵan ǵylymı maqalalar jınaǵy, «Bıiktegen tam» áńgimeler men esseler jınaǵy, «Aýyrlyqty jer kóteredi» pesalar jınaǵy jaryq kórdi. «Qazaqtyń baıyrǵy turmys-salt jyrlary» degen kitaby aǵylshyn tilinde jarııalanǵan.
Áýelqan Qalıulynyń ómirbaıany «Qytaı oqý-aǵartý mamandary», «Qytaı mamandarynyń iri sózdigi», «Qytaı jazýshylarynyń qysqasha ómirbaıany», «Qytaıdaǵy qazaq mamandary», «Qazaqstan ulttyq enıklopedııasy», «XX ǵasyrdaǵy Qytaı qalamgeri» qatarly kóptegen iri kitaptarǵa enip, onyń eńbekteri keńinen tanystyrylǵan.
Qazaq atyn abyroımen ustap, maǵynaly ǵumyr keshken marqumnyń ımany salamat bolsyn!
"Adyrna" ulttyq portaly
