Álıhan Smaıylov Qyzylordada jańa JEO qurylysynyń jobasymen tanysty

1967
Adyrna.kz Telegram

Qyzylorda oblysyna jumys sapary aıasynda QR Premer-Mınıstri Álıhan Smaıylov óńirdiń negizgi ınfraqurylymdyq nysandarynyń jumysyn tekserdi.

Atap aıtqanda, Álıhan Smaıylov Qyzylordada 67 MVt elektr qýaty men 341 Gkal/saǵ jylý energııasyn óndiretin JEO-da boldy. Sondaı-aq ol ońtústik óńirlerdi úzdiksiz qýat kózderimen qamtamasyz etýge múmkindik beretin jalpy qýattylyǵy 240 MVt jáne 277 Gkal/saǵ bolatyn jańa jylý elektr ortalyǵynyń qurylys jobasymen tanysty. Sheteldik ınvestıııalar esebinen iske asyrylyp jatqan jobany 2025 jyly paıdalanýǵa berý josparlanýda.

Premer-Mınıstr jumys istep turǵan JEO ótken ǵasyrdyń 60-shy jyldary salynǵandyqtan, tozyǵy jetkenin atap ótti. Sonymen qatar Memleket basshysynyń tapsyrmasy boıynsha 2025 jylǵa deıin ońtústik óńirlerde bý-gaz qondyrǵylaryn salý boıynsha birqatar joba iske asyrylady.

«El ekonomıkasy damýymen qatar ónerkásiptik jáne áleýmettik nysandar da kóptep iske qosylýda, sondyqtan qosymsha energııa kózderin jedel iske qosý qajet. Osy mindetter aıasynda Qyzylorda oblysynda jańa JEO salynady. Bul jobany da ýaqytyly aıaqtaý kerek», — dep atap ótti Álıhan Smaıylov.

Úkimet basshysynyń aıtýynsha, Qyzylorda oblysyndaǵy tozyǵy jetken elektr jelileriniń máselesin de shuǵyl túrde sheshý kerek, óıtkeni olardyń tehnıkalyq jaı-kúıi óńir turǵyndary men ónerkásiptik obektilerin elektr qýatymen qamtamasyz etý sapasyna tikeleı áser etedi.

Sondaı-aq Úkimet basshysy Syrdarııa ózeniniń arnasynda ornalasqan Qyzylorda sý torabynyń jumysymen tanysty. Onyń negizgi qyzmeti ózendegi sý aǵynyn retteý jáne Qyzylorda qalasy, Syrdarııa, Jalaǵash jáne Qarmaqshy aýdandarynyń aýmaǵynda ornalasqan 110 myń ga sýarmaly jerdi, 250 myń ga shabyndyq jer men jaıylymdardy sýmen jabdyqtaý bolyp tabylady. 2020 jyly QR Úkimetiniń qaýlysyna sáıkes gıdrotorapty keshendi qaıta qurý bastaldy, ony kelesi jyly aıaqtaý josparlanýda.

Premer-Mınıstr qazirgi ýaqytta Sý salasyn damytýdyń 2023-2025 jyldarǵa arnalǵan keshendi josparyn ázirleý aıaqtalýǵa jaqyn qalǵanyn, ony iske asyrý ınvestıııalar tartýǵa jáne birinshi kezektegi problemalyq máselelerdi sheshýge múmkindik beretinin atap ótti.

Sondaı-aq Álıhan Smaıylov shekaralas eldermen júrgizilgen kelissózderden keıin bıyl óńirde sý tapshylyǵyn tómendetýge múmkindikter jasalǵanyn aıtty. Sonymen qatar kanaldardy tazartý jáne gıdrotehnıkalyq qurylystardy jóndeý jumystary júrgizildi, nátıjesinde egis alqaptary tolyǵymen sýarmaly sýmen qamtamasyz etildi.

Aldaǵy vegetaııalyq kezeńde aýyl sharýashylyǵy taýaryn óndirýshilerdi sýarmaly sýmen qamtamasyz etý jónindegi sharalar da qarastyrylǵan. Belgilengen sý lımıtin alý boıynsha kelissózder jalǵasady.

 

Pikirler