Táýelsizdik kúni elordada qysqy sport maýsymy ashyldy. Oǵan 300-ge tarta qala turǵyndary men qonaqtary qatysty, dep habarlaıdy elorda ákimdiginiń resmı saıty.
Jarysqa arnaıy Aqmola oblysy, Kókshetaý, Ereımentaý qalarynan 120-ǵa jýyq áýesqoı shańǵyshylarda qatysty.
Sharanyń ashylý saltanatynda sóz alǵan Astana qalasynyń Dene shynyqtyrý jáne sport basqarmasynyń basshysy Samat Jylqybaev qatysýshylarǵa sáttilik tilep, shańǵy jarysynyń qatysýshylaryna «start» berdi.
"1985 jyly ashylǵan shańǵyroller tasjoly - sportshylar unatatyn oryn. Munda jazda velosıpedshiler men rollerler, al qysta shańǵyshylar jınalady. Dástúr boıynsha shańǵyroller tasjolynda qysqy maýsym shańǵy jarysymen ashylady. Bıylǵy alǵashqy jarysqa qatysýshylar arasynda 80-di eńsergen qarııalarymyz ben, 7 jastaǵy shańǵyshylarda bar", - deıdi qalalyq sport basqarmasynyń basshysy Samat Jylqybaev.
Sonymen qatar shara aıasynda qala turǵyndary úshin gir tasyn kóterý, qol kúresi, arqan tartys jáne belbeý kúresi sekildi sport túrlerinen jarystar uıymdastyryldy.
Jyl saıyn dástúrli túrde ótetin sporttyq shara men shańǵy jarysynyń jeńimpazdaryn ár jas toby boıynsha baǵaly syılyqtarmen, dıplomdarmen jáne medaldarmen marapattaldy.
