Óskemendegi zııaly qaýym ókilderi osyndaı usynys aıtyp, Shyǵys Qazaqstan oblysynyń ákimi Danıal Ahmetovke usynys-hat jazdy. Hattyń mátinin nazarlaryńyzǵa usyna otyryp, qoldaý bildirýlerińizdi suraımyz!
Qurmetti Danıal Kenjetaıuly!
Elbasymyz Nursultan Nazarbaevtyń bastamasymen, tikeleı muryndyq bolýymen qolǵa alynǵan, búgingi kúni respýblıkamyzdyń túkpir-túkpirinde múmkindiginshe júzege asyrylyp jatqan «Rýhanı jańǵyrý», «Uly dalanyń jeti qyry» atty jobalarǵa Siz basqaryp otyrǵan Shyǵys Qazaqstan oblysynyń súbeli úles qosyp jatqanyna únemi marqaıyp júremiz. Ásirese, álem tarıhynda, onyń damý tegershiginiń únemi progrestik baǵytqa bet burýynda, jalpy adamzat damýy evolıýııasynda eresen úlken ról atqarǵan Altaı, ony meken etken túrkilerdiń ótkenine kári Eýropa men muhıttyń arǵy betindegi Amerıkanyń jiti nazar aýdarýy, tikeleı Elbasy men Siz yqpal etip, jaǵdaı jasaǵan ǵalym-zertteýshilerdiń arqasy. Óńirimizden tabylǵan Altyn adam, taǵy da basqa qundy jádigerler – osy sózimizdiń aıǵaqty dáleli.
Árıne, kez kelgen iri tarıhı qubylysty týǵyzatyn da, ony júzege asyratyn da – halyq. Naqtylap aıtsaq, halyqtyń arasynan sýyrylyp shyqqan asa talantty jeke tulǵa. Al, adam faktoryn qalaı qadirleý, ony madaqtaý men marapattaý, eli men jurtynyń abyroıyna abyroı, dańqyna dańq qosqan tulǵalardy máńgilik este qaldyrý máselesinde, Siz erekshe qarymdylyq baıqatyp júrsiz. Oǵan halyqtyń kózi áldeqashan jetken. Máselen, Elbasymyzdyń «Rýhanı jańǵyrý» jobasyna oraı, seńi máńgi buzylmaı kelgen Shyǵys Qazaqstan oblysyndaǵy ábden eskirgen, tozyǵy jetken, ótken qoǵamdyq formaııalardyń qańsyq murasy syndy jer-sý, qala-aýyl, kóshe, mektep, t.b. ataýlardyń sońǵy eki jyl ishinde asa shapshań jańǵyryp, ózderiniń burynǵy tarıhı ataýlarymen qaıtara tabysyp nemese el men jurttyń kókeıinde júrgen esimderge ıe bolyp jatqany, osylardyń ishindegi shúıdelisi – Zyrıannyń Altaı atalýy, Sizdiń qaıratkerlik tulǵańyzdy asqaqtata túskeni ras. Ámanda tileýlespiz!
Endigi usynys-tilegimizdiń tizgini de Sizdiń qolyńyzda. 2009 jyldyń qara kúzinde qazaq óneriniń shyńyna órmelep shyǵyp, kúni bolýǵa qyzmet jasap júrgen alashtyń asa daryndy jas rejısseri Rústem Esdáýletov kenetten dúnıeden ozdy. Orda buzar otyz jasynda. Ol oblys óneriniń qara shańyraǵy – oblystyq drama teatrynyń, onda buryn-sońdy bolmaǵan qazaq trýppasynyń ashylyp, órkendep damýyna eren eńbek etken azamat edi. Aldymen oblysta buryn-sońdy bolmaǵan qazaq trýppasyn ashyp, júre-bara sol teatrdyń dırektory qyzmetinde júrip respýblıka sahnalarynda Shyǵys Qazaqstannyń atyn, ónerpazdaryn aıshyqtady. Respýblıkada ulttyq turǵydan alǵanda buryn aty men zaty beımaǵulym Shyǵystyń abyroıy kóterildi. Tanymaldylyqqa ıe boldy. Rústem Orazbaıuly onmen de shektelgen joq, shyǵystyń teatryn halyqaralyq deńgeıge shyǵardy: oblystyq teatr artısteri óz shyǵarmashylyqtarynyń san qyrly ekendigin Reseı, Qyrǵyzstan, Eýropa sahnalarynda meılinshe dáleldedi. Ol – Táýelsiz Qazaqstannyń múldem jańa formatty rejısserleriniń kóshbasshysy boldy.
Rústem Esdáýletov ári san qyrly rejısser, ári lırık aqyn, ári myqty dramatýrg, ári úlken pedagog bolatyn. Eń bastysy, ol – Adam edi. Uly Abaıdyń «Adam bol!» degen basty qaǵıdasyn keýdesinen shybyndaı jany pyr etip ushyp ketkenshe múltiksiz oryndady. Óle-ólgenshe halqyna, óziniń týyp-ósken Shyǵysyna jankeshtilikpen eńbek etti. Sońǵy demi de teatr sahnasynda úzildi.
Qurmetti Danıal Kenjetaıuly!
«Jerdiń atyn el shyǵarady, eldiń atyn er shyǵarady» deıdi kemeńger halqymyz. Keshegi kúni osy týǵan Shyǵysy úshin jarǵaq qulaǵy jastyqqa tımeı, boıyndaǵy Allasy syılaǵan barlyq múmkindikteri men arda qasıetterin eline sadaqalaǵan Rústem Esdýletovtaı rejısserdiń dúnıeden ótkenine 2019 jyly on jyl tolady eken. Sol ataýly jylǵa jáne keshegi kúni Elbasy shegelep aıtqan Jastar jylyna oraılastyryp oblystyq drama teatryna ózi ystyǵyna kúıip, sýyǵyna tońǵan, muqym sanaly ǵumyryn qazaqtyń óneri men teatryna baǵyshtaǵan Rústem Esdáýletovtyń atyn bersek degen ótinishimiz bar. Oblys bıligi teatrǵa osy azamattyń atyn berý arqyly «Rýhanı jańǵyrý» jobasynyń eki baby boıynsha muratqa jetedi: birinshiden – halyqtyń talap-tilegi úderisinen shyǵady; ekinshiden – jas urpaqqa óziniń shynaıy patrıottaryn qurmetteýdi úıretedi! Eger de Ózińiz tarapyńyzdan bul usynys qoldaý taýyp jatsa, óńir halqynyń qýanyshpen qoldaıtynyna kepilmiz.
Izgi nıetpen:
Álibek Qańtarbaev – jazýshy, QR Jazýshylar Odaǵy ShQO fılıalynyń dırektory;
Túsiphan Túsipbekov – qoǵam qaıratkeri, «Qazaqstandyq mádenıet, sport, týrızm jáne aqparat qyzmetkerleri salalyq kásiptik odaǵy» QB-niń ShQO fılıalynyń tóraǵasy;
Jańabaı Áshimov – eńbek ardageri, ShQ oblystyq Aqsaqaldar alqasynyń tóraǵasy;
Serik Qusanbaev – aıtysker aqyn, «Altaı asý» qoǵamdyq birlestiginiń atqarýshy dırektory, QR Mádenıet qaıratkeri;
