Belgili qoǵam qaıratkeri Muhtar Taıjan búgin Feısbýk jelisinde barsha ultshyldardy birigýge shaqyrǵan bolatyn. Osyǵan deıingi ókpe-renishti umytyp, tize qosyp eńbek eteıik deı kele, búgin keshki 19:00-de Almaty qalasyndaǵy «Astana» qonaq úıinde kútetinin aıtty. Sońǵy jyldary qyrǵı-qabaq bolyp júrgen Geroıhan Qystaýbaevty da arnaıylap shaqyrǵanyn jazǵan. Biraq, ultshyldardyń basy bul joly da birige almady. Durysy, biriktirmedi deýge bolar. Muhtar Taıjandy Almaty qalalyq Ishki Ister Basqarmasyna alyp ketipti.
Bul týraly naqty aqparat bilý maqsatynda Geroıhan Qystaýbaevqa habarlasyp edik, jıyn bolatyn jerden qaıtyp bara jatqanyn jetkizdi. «Men barǵanda 10 shaqty adam júr eken. Ishinen Erkin Raqyshevty ǵana tanydym. 10-15 mınýttan keıin bizge Muhtardy polıııa alyp ketkenin aıtty. Eger bul Muhtar oryndaǵan kezekti spektakl bolatyn bolsa, onda qoıýshy rejısseri myqty eken. Muhtar Taıjandy men burynnan bilemin. Ol jigittiń ózi bundaı bastamaǵa bara qoıatynyna senbeımin. Oǵan tapsyrma berilgen sııaqty. Muhtardy menen artyq eshkim bilmeıdi deýge bolar. Sondyqtan bul kezekti qoıylym ba dep kúmándanyp turmyn. Eger ol shyn nıetimen jumys isteımin dese, qushaq jaıa qarsy alýǵa daıynmyn» degen Geroıhan Qystaýbaev bir úmit, bir kúdikte turǵanyn jasyrmady.
Biz tómende Muhtar Taıjannyń paraqshasyndaǵy jazbasyn qaz qalpynda jarııalap otyrmyz.
QURMETTI QAZAQ ELINIŃ PATRIOTTARY!
Shyny kerek, bir birimizge degen ókpe-renishterimiz bar, joq emes, qaıteıik endi, bárimiz pendemiz ǵoı. Ómir sondaı, adamdar pende bolǵan soń arasynda keıde túsinispeýshilik bola beredi. Biraq ol jeke bastyń ǵana sharýasy dep esepteımin. Al dál qazir ulttyq dárejedegi qaıǵy oqıǵa paıda boldy. Taǵy da qazaq balasy - Rahymjan inimiz Janseıt - Qaraǵandyda qaza tapty, ımandy bolsyn, jatqan jeri jaıly bolsyn. Malovodnyı, Sheńgeldi, Shymkent oblysynda dál sondaı qaıǵy, aýyr oqıǵalar bárimizdiń esimizde.
Qashanǵa deıin bundaı oqıǵalar qaıtala beredi? Bundaı oqıǵalar qaıtalanbas úshin búgingi tańda ne isteýmiz kerek? Qolymyzdan biraz nárseler keledi, sebebi bul eldiń ıesi bizbiz, jaýapkershilik bizdiń moıymyzda. Balalarǵa qandaı el qaldyryp ketemiz? Olar da bul probemalarmen ómir súrý kerek pe ne?
Babalarymyz ulttyq jaǵdaı paıda bolǵanda jeke renishterin qoıyp biriktiretin, birge jınalyp aqyldasatyn. Biz de sóıteıik! Meniń usynysym - ár qalada ultshyldar búgin keshke jınalyp aqyldassyn. Basqalarǵa da, bılikke de qazaqtyń yńtymaǵyn kórseteıik!
Nege basqa ulttardyń keı ókilderi qutyryp qazaqtyń balasyn pyshaqtap óltiredi? Menińshe bul jerde memlekettiń ulttyq saıasaty burys, biz bárimiz jumylyp buny ózgertý tıispiz. Qalaı bolsa da, aqyldasatyn jaıymyz kóp.
Men óz basym erteń keshke qaraı Astanaǵa ketem. Biraq onyń aldynda,
QURMETTI ULTJANDY AǴA-INILERIM, ÁPKE-QARYNDASTARYM AQYLDASÝ JIYNǴA BÚGIN 08.01.2019. SAǴAT 19.00 ShYN JÚREKTEN ShAQYRAM!
JIYN ÓTETIN ORNY: ALMATY QALASY, BAITURSYNOV 113, SÁTBAEV QIYLYSY, ASTANA QONAQ ÚII, QURYLTAI ZALY,
MENIŃ TEL 8-7772552266
P.S. Banymda 7-8 adam bolǵan edi, qazir túgelin bosatyp jiberem. Qarym qatynasym kúrdeli bolǵan soń Geroıhan Qystaýbaev, Serikjan Mámbetalın, Rysbek Sársenbaı ultjandy áriptesterimdi arnaıy bólek shaqyryp otyrmyn!
Barshańyzǵa esik ashyq, jýrnalıster, organ adamdary da kelińizder, tyńdańyzdar, aınalyp kelgende sender de qazaq balasyńdar.
KELIŃIZDER, JALPY ULTTYQ MÁSELEDE BIRGE BOLAIYQ, ARDAQTY AǴAIYN!
Ońǵar Qabden
«Adyrna» ulttyq portaly
