Murat Baqtııaruly,
QR senatynyń depýtaty;
"Qaraǵandydaǵy "qandy" oqıǵa eshkimdi beıjaı qaldyrmagany anyq. Órimdeı jas azamat qanisherlerdiń qolynan ajal qushty. Barlyq týǵan týystarynyń qaıǵysyna ortaqtasyp kóńil aıtamyn. Qanisherler tıisti jazalaryn alý kerek.
Jalpy "Qazaqstan kóp ultty memleket" degen qaǵıdatty ózgertýimiz kerek.
Yqylym zamannan beri Qazaqstanda mekendeıtin, qazaq memleketin quraıtyn, ulanǵaıyr dalanyń ıesi de, kıesi de bir- aq ult bar, ol - qazaq ulty. Qalǵandary etnıkalyq dıasporalar. OLARDYŃ barlyǵynyń derlik óz otandary bar. Qazaqtyń Qazaqstannan basqa OTANY joq. Sondyqtan da qazaq ultynyń múddesi tek osy elde ǵana qorǵalady. Álemde etnıkalyq az toptarǵa barlyq jaǵdaılar jasalǵan memleket Qazaqstanda ǵana. Tek Qazaqstanda ǵana.
Úlken ókinishke oraı, memlekettik tildi bilmeı-aq memlekettik qyzmet atqarýǵa, bıznes jasaýǵa bolady. Sony baǵalap, qadirleı bilmegen ózge etnostardyń keıbir ókilderine "tarıhı otandaryńa joldaryń ashyq" degim keledi. Keshe Armenııa parlamentiniń depýtaty E. Marýkıan Armenııadaǵy Qazaqstannyń elshisin shaqyrtyp, Qazaqstandaǵy "armıandarǵa kórsetilip jatqan qysymdarǵa" baılanysty túsindirme berýin talap etipti. Bul - Qazaqstannyń ishki isterine qol suǵýshylyq. Buǵan bizdiń SIM tez arada tıisti resmı jaýabyn berýi tıis."
"Adyrna" ulttyq portaly
