16 jeltoqsan – Qazaqstan Respublikasynyŋ Täuelsızdık künıne orai Qaraǧandyda «Qazaq halqynyŋ mūrasy» kıtaptar seriiasynyŋ Qazaq club bastamasymen «Täuelsızdık belgısınıŋ» tūsaukeserı ötedı, dep jazady “Adyrna” ūlttyq portaly.
Biyl köpşılıkke ūsynylǧaly otyrǧan «Täuelsızdık belgısı» osyǧan deiın 2020 jyly jaryq körgen «Täuelsızdık lentasynyŋ» negızınde jasaldy. Tösbelgınıŋ ortasynda Qazaqstan Respublikasynyŋ qazırgı jer aumaǧyn beineleitın karta körınıs tapqan. Sonymen qatar Qazaqstan aumaǧyn bızdıŋ jyl sanauymyzǧa deiın 5-4 ǧasyrlarda meken etken saqtardyŋ Esık qorǧanynan tabylǧan Altyn adamy beinelengen. Būl qazaq tarihynyŋ saqtar zamanymen bailanysty ekenın bıldıredı. Būdan keiın belgıde Ǧūndar memleketınıŋ negızın qalaǧan Möde qaǧan jäne ǧūn memlekettılıgınıŋ şaŋyraǧy köterılgen b.z.d 209 jyl körınıs tapqan. «Täuelsızdık belgısındegı» kelesı aituly data 552 jyl, iaǧni Türkı qaǧanaty qūrylǧan jyl jäne onyŋ simvoly Börılı bairaq beinelengen.
Būdan keiın Qazaq handyǧynyŋ şaŋyraǧy köterılgen 1465 jyl men Kerei men Jänıbek handar salynǧan. Täuelsızdık belgısındegı kelesı körnektı tūlǧa üş jüzdıŋ basyn qosqan handardyŋ hany ūly Abylai han men ol sailanǧan 1771 jyl, ūltymyzdyŋ Täuelsızdıgı üşın küresıp ötken jäne Qazaq handyǧyn qalpyna keltırgen Kenesary Qasymūly han atanǧan 1841 jyl jäne Alaş kösemı Älihan Bökeihan bastaǧan Alaşorda Ükımetı qūrylǧan 1917 jyl beinelengen. «Täuelsızdık belgısınıŋ» joǧarǧy jaǧynda Qazaqstan Respublikasy Täuelsızdıgı jariialanǧan 1991 jyl körınıs tapqan.
Köterılıp kele jatqan kün qazaq halqy üşın jaŋa däuırdıŋ kelgenın, al aşylyp tūrǧan kıtap elımızdıŋ bolaşaǧy ǧylym – bılımde jatqandyǧyna meŋzeidı. Täuelsızdık belgısınıŋ ön boiyndaǧy ūlttyq oiu-örnek bızdıŋ ūlttyq mädenietımız ben bolmysymyzdy äruaqytta közdıŋ qaraşyǧyndai saqtauǧa ündeidı. El igılıgıne baǧyttalǧan būl jobany qarjylandyrǧan «Qazaq club». «Täuelsızdık belgısı» keudenıŋ sol jaǧyna jürek tūsyna taǧylady.
«Täuelsızdık belgısın» taǧyp jüru ärbır azamat üşın ülken jauapkerşılık ekenın este saqtau kerek. Belgınıŋ iegerı onda beinelengen ūly tūlǧalardyŋ jolyn jalǧastyruǧa, saqtauǧa, ony jas ūrpaqqa nasihattauǧa atsalysuǧa mümkındıgı kelgenşe tyrysuy kerek.«Täuelsızdık belgısı» Qazaqstan Respublikasynyŋ memlekettık merekelerı künderı, saltanatty şaralarda taǧuǧa arnalǧan. Sondai-aq belgını el tarihyna qūrmet bıldıru maqsatynda kündelıktı taǧuǧa da bolady – deidı «Täuelsızdık belgısınıŋ» avtory N.Sūrşaūly.Täuelsızdık belgısınde qazaq tarihyna esımderı altyn ärıppen jazylǧan 5 tarihi tūlǧa men 8 tarihi data, QR jer aumaǧyn beineleitın karta men Türkı qaǧanatynyŋ Börılı bairaǧy jäne ūlttyq oiu-örnek körınıs tapqan.
“Adyrna” ūlttyq portaly
