«Zara» dúkeniniń qyzmetkerleri qazaqsha qyzmet kórsetýden bas tartty (VIDEO)

5391
Adyrna.kz Telegram

Almatydaǵy «Zara» dúkeniniń qyzmetkerleri qazaqsha qyzmet kórsetýden bas tartty. Bul týraly jeli qoldanýshysy Quralaı Baýyrjanqyzy jazdy, dep habarlaıdy «Adyrna» tilshisi.

«Namysym jer, jigerim qum boldy. «Zara» dúkeniniń balalar bóliminde qazaqsha jaýap surap, óz jerimizde óz tilimizde sóılegenimiz úshin jazyqty boldyq. Káris balany qazaq eken dep, "Qazaqsha aıta ber" dep qaldyq, áńgime sodan bastaldy. "Maǵan orys tilinde yńǵaıly",— deıdi álgi jigit. "Endi bizge qazaqsha yńǵaıly, siz túsinip tursyz ǵoı, aıta salmaısyz ba, qansha boldy?"— desek, "Maǵan osylaı yńǵaıly”,—deıdi. Onda til biletin adamdy shaqyr dedik. Sol jerdiń ákimshisi kelip, ózimizge tap berdi»,—dep jazdy ol.

Ákimshi qyz «Biz halyqaralyq kompanııamyz. Qyzmetkerlerimiz qaı tilde sóılese de ózi biledi» dep aqtalǵan.

«Tipti dúkende qazaqsha sóıleı almasaq, qaıda baryp sóıleımiz? Qashan sóılemiz? Tek ot basy, oshaq qasynda ma? Búıte bersek, qazaq tili "kedeıler tili", "domashnıı tápishke" degen mazaqtan qashan qutylady?!
Eń jamany, bizdiń quqymyzdy qorǵaıtyn, sózimizdi sóıleıtin eshkim joǵyn túsinip, ózimizdi jetim sezinip shyqtyq...»—dep jazdy Quralaı Baýyrjanqyzy.

Oqyrmandardyń keıbirýi qazaq tilin talap etýshi de qatty aıtty dep jazyp jatyr. Oǵan ol kisi tómendegideı jaýap berdi:
“Vıdeo sońynda "JAP AÝZYŃDY!" dep hormen aıqaılaǵanymyz qyzǵa emes,"Vyprovodıte ıh!" degen jigitke solaı jaýap berdik. Ol tý syrtymyzda turǵandyqtan, daýysy estilmeı qapty kamerada, biz estidik te reakııa jaýap boldy birden.Ózi quqymyzdy taptaýymen qoımaı, qýyp salmaqshy. Sondyqtan, ol qaı tilde sóılese, sol tilde jaýap berildi. Meniń tilimdi qurmettemegen adamǵa syzylyp mádenıet saqtar jaıym joq eken”,—dep túsindirdi jeli qoldanýshysy.

Pikirler