Almatydaǧy «Zara» dükenınıŋ qyzmetkerlerı qazaqşa qyzmet körsetuden bas tartty. Būl turaly jelı qoldanuşysy Qūralai Bauyrjanqyzy jazdy, dep habarlaidy «Adyrna» tılşısı.
«Namysym jer, jıgerım qūm boldy. «Zara» dükenınıŋ balalar bölımınde qazaqşa jauap sūrap, öz jerımızde öz tılımızde söilegenımız üşın jazyqty boldyq. Kärıs balany qazaq eken dep, "Qazaqşa aita ber" dep qaldyq, äŋgıme sodan bastaldy. "Maǧan orys tılınde yŋǧaily",— deidı älgı jıgıt. "Endı bızge qazaqşa yŋǧaily, sız tüsınıp tūrsyz ǧoi, aita salmaisyz ba, qanşa boldy?"— desek, "Maǧan osylai yŋǧaily”,—deidı. Onda tıl bıletın adamdy şaqyr dedık. Sol jerdıŋ äkımşısı kelıp, özımızge tap berdı»,—dep jazdy ol.Äkımşı qyz «Bız halyqaralyq kompaniiamyz. Qyzmetkerlerımız qai tılde söilese de özı bıledı» dep aqtalǧan. «Tıptı dükende qazaqşa söilei almasaq, qaida baryp söileimız? Qaşan söilemız? Tek ot basy, oşaq qasynda ma? Büite bersek, qazaq tılı "kedeiler tılı", "domaşnii täpışke" degen mazaqtan qaşan qūtylady?! Eŋ jamany, bızdıŋ qūqymyzdy qorǧaityn, sözımızdı söileitın eşkım joǧyn tüsınıp, özımızdı jetım sezınıp şyqtyq...»—dep jazdy Qūralai Bauyrjanqyzy. Oqyrmandardyŋ keibıruı qazaq tılın talap etuşı de qatty aitty dep jazyp jatyr. Oǧan ol kısı tömendegıdei jauap berdı: “Video soŋynda "JAP AUZYŊDY!" dep hormen aiqailaǧanymyz qyzǧa emes,"Vyprovodite ih!" degen jıgıtke solai jauap berdık. Ol tu syrtymyzda tūrǧandyqtan, dauysy estılmei qapty kamerada, bız estıdık te reaksiia jauap boldy bırden.Özı qūqymyzdy taptauymen qoimai, quyp salmaqşy. Sondyqtan, ol qai tılde söilese, sol tılde jauap berıldı. Menıŋ tılımdı qūrmettemegen adamǧa syzylyp mädeniet saqtar jaiym joq eken”,—dep tüsındırdı jelı qoldanuşysy.
