(Bes jastaǵy búldirshinniń ómirine qııanat jasalyp otyr.)
Maǵan bir ata-ana jylap, amaldary quryǵannan kómek surap keldi. Ol óziniń basyndaǵy jaǵdaımen tanystyryp, bolǵan oqıǵanyń barlyǵyn aıtyp berdi. Aty jóni Erbol Ábdirov. Jalpy jaǵdaı bylaı bolǵan:
Osydan birneshe ýaqyt buryn onyń bes jasar uly Nurıslamdy óziniń úıiniń tusynda memlekettik nomeri «Reno» 521 NXA01 avtokóligi qaǵyp ketedi. Oqıǵa ornynda balanyń bir aıaǵy men qol tusyndaǵy buǵana súıegi synǵan. «Reno» avtokóliginiń ıesi Sh.T. Nesipbaı oqıǵa bolǵan jerde balany joldyń shetine shyǵaryp tastap, ózi izin sýytady. Balany keıinnen óziniń ata-anasy kórip qalyp, janushyra Astana qalasyndaǵy №2 qalalyq aýrýhanaǵa jetkizedi. Abyroı bolǵanda bala aman qalyp, aýrýhanada balanyń aıaǵy men qolyna medıınalyq jedel járdem jasalady. Bala aýrýhanada biraz ýaqyt jatyp, emdelip shyǵady. Biraq balanyń buǵana súıegi qısyq salynyp, sol boıy bitip ketken. Qazir balanyń qol súıegi qısyq. Basyna aýyr soqqy kelip, mıynyń shaıqalý belgileri (sotrıasenıe) bar. Aqyl esi ornynda. Bes jasar bala qazir ata anasynyń qolynda. Oqıǵa ornynda bolǵan jaǵdaıdyń barlyǵy sol jerdegi dúkenniń beınekamerasyna túsip qalady. Men beınekamerada oqıǵanyń qalaı bolǵanyn salyp otyrmyn. Tómende beınekameradan óz kózińizben kórińiz.
Men balanyń ata-anasymen kezdesip, hal-jaǵdaılarynyń barlyǵyna kóz jetkizdim. Balanyń jaǵdaıyn óz kózimmen baryp kórip, jaǵdaıyn bilip, aıaǵy men qolyn da qarap kórdim. Otbasynyń áleýmettik hal-ahýalyna keler bolsaq, áleýmettik jaǵynan jaǵdaıy tómen, qarajat jaǵynan ábden qysylǵan jas otbasy eken. Astanada Lermontov kóshesiniń boıynda №39 úıde páter jaldap turatyn aýyldyń qara qazaǵy. Nurıslamnyń ákesi Erboldyń densaýlyǵy nashar, er-azamat jasaıtyn jumystyń eshbirine jaramaıtyn bolyp shyqty. Al anasy Raýshan bolsa kólik jýatyn orynda (avtomoıkada) áýripimdep jumys jasap, jan baǵyp, balalaryn asyrap otyr eken. Mynaý jaǵdaıdan esin jınaı almaǵan jas otbasynda otaǵasy jumys taba almaı, kúnin áreń kórip jatyr. Biz de qoldan kelgenshe tanys azamattarǵa aıtyp, qarajat jaǵynan kómek kórsettik. Oqys jaǵdaı bul otbasynyń aýyrtpalyǵynyń ústine salmaq salyp, eńselerin basyp otyr. Ne ary, ne beri emes, tirshilikterin jasaı almaı jatqan otbasy.
Men endi odan keıin jaǵdaıdyń qalaı órbigenin túsindireıin. Osy oqıǵadan keıin balanyń ata-anasy isti teksertý boıynsha Astana qalalyq, Baıqońyr ishki ister basqarmasyna aryzdanady. Quzyrly organdar tekseris júrgizip, balany kólikpen qaǵyp, izin sýytqan Sh.T. Nesipbaıdy qolǵa túsiredi. Istiń jaı japsaryn ózderinshe tekseredi. Olar isti qarap júrgende arada úsh aı ýaqyt ótip ketedi. Istiń aıaqtalmaýy jas otbasyny áýre-sarsańǵa salyp qoıady. Balanyń ata anasy osy istiń sońynda júgirýmen kúnin ótkizedi. Ata ana bul isti jarty jolda qaldyrmaı, aqyryna deıin jetkizip, ádildikti talap etedi. Sóıtip oqıǵa oryn alǵan orynda tehnıkalyq tekserý jasatady. Oqıǵaǵa baılanysty arnaıy tekserý men sot-espertızalyq saraptama jasalady. Arnaıy mamandar men tehnıkalyq ekspertterdiń aralasýymen oqıǵa bolǵan orynda oqıǵanyń oryn alǵany boıynsha shemalar jasalady. Nátıjesinde ádildik kútken ata-ana úshin is 180 gradýsqa ózgergen. Quzyrly organdardyń qyzmetkerleri bes jasar Nurıslamdy qaǵyp, joldyń shetine tastap ketip, ómirine asa aýyr zaqym keltirse de, sot-ekspertızalyq saraptama boıynsha da álgi Sh.T. Nesipbaıdy kinásiz etip aqtap shyǵady. Quzyrly organdardyń tarapynan jas otbasyǵa kómek bolmaıdy. Istiń barlyǵy sońyna deıin osylaı bitedi.
Jaǵdaıdan tolyq habardan bolǵannan soń men Nurıslmanyń ákesi Erbolmen birge Astana qalalyq, Baıqońyr ishki ister bólimine baryp, bolǵan jaǵdaıdyń qalaı oryn alǵanyn kózben kórmek bolyp tergeýshimen jumys ornynda arnaıy kezdestim. Tergeýshi maǵan jol apatynyń qandaı jolmen órbigeni boıynsha oqıǵa shemasyn jaıyp túsindirdi. Sondaǵy aıtqany, kólik júrgizýshisiniń aıtýy boıynsha kóliktiń jyldymdyǵy 20km/saǵat bolǵany anyqtalypty. Bul jyldamdyq normadan eshqandaı da artyq bolyp sanalmapty. Bul jerde eshqandaı da qylmystyń nyshany joq eken-mys. Osy jyldamdyqpen kelgen kólik balanyń aıaǵy men qolyn syndyryp ketken. Basyna zaqym keltirgen. Biraq jasóspirim balanyń kámeletke tolmaǵanyn eskermeı, kólikpen qaǵyp, aıaǵy men qolyn syndyrǵan kólik júrgizýshisiniń jasaǵan qylmysyn eskergen joq. Men is qaǵazdarynyń kerektilerin fotoǵa túsirip alyp, eshqandaı konflıktige kelmeı, áńgimeni aıaqtap shyǵyp kettim. Arnaıy jasalǵan tekseris pen sot-ekspertızalyq saraptamanyń qorytyndysynyń fotokóshirmeleri, protokoldar, raporttardyń fotokóshirmeleri meniń qolymda bar.
Bir «átteń-aı» deıtini, balanyń ata anasy orys tilin túsinbeıtin bolyp shyqty. Ol qazaqsha talap etse de is qaǵazdarynyń barlyǵy oryssha jasalypty. Bul jerde quzyrly organdar tarapynan taǵy da qatelik ketip otyr. Osy sheshimnen keıin balanyń ata anasy ary beri júgirip, ádildik tappaı úmitterin úzedi. Sondaǵy bir masqarasy, álgi balany qaǵyp, joldyń shetine tastap ketken onyń ata anasyna kelip keshirim de suramaǵan, tym bolmasa azyraq kómegim bolsyn dep qarajat jaǵynan da kómek bermeı, qaıta ózderine kelip «Meniń eshqandaı kinám joq, men tazamyn» dep ketken. Jas otbasy mynaý jaǵdaıdyń osylaı jalǵasqanyna kúıinip, shara jasaý qoldarynan kelmeı otyr. Bul oqıǵanyń oryn alǵanyna úsh aıdyń júzi bolypty. Biraq ádilet izdegen ata ana shyndyqty aqtap ala almaı, shyp-pyr bolyp otyr. Istiń ońynan sheshimin tabarynan olardyń úmiti múldem úzilgen.
Men mynaý oqıǵany Nurıslamnyń ákesi Erboldyń ótinishi boıynsha ádil sheshimin tabýy úshin kópshiliktiń ortasyna shyǵarýǵa bel býdym. Qoǵamnyń habardar bolyp, ádilet izdegen ata ananyń zaryn kópshilikke bilsin. Janashyr azamattar tabylyp jatsa zań aıasynda kómegin bersin degen oı. Meni tań qaldyryp otyrǵany, kámeletke tolmaǵan jasóspirimniń ómirine aýyr jaǵdaıda qııanat jasalyp otyrsa da quzyrly organdar nege balany kólikpen qaǵyp, aıaq qolyn syndyryp, joldyń shetine tastap izin sýytyp ketken adamdy aqtap shyǵyp otyrǵany. Eń aýyr tıip otyrǵany da osy. Bizdiń elde adam ómiri túkke turǵysyz bolyp bara jatqany bárińizge de belgili. Biz endi osylaı sabyr saqtap, áreketsiz otyra beremiz be? Biz adam ómiri men adam quqyn saqtamaı, qalaı damyǵan elderdiń qataryna qosylamyz? Sharasy qalmaǵan jas otbasyǵa az da bolsyn kómek bolsyn degen maqsatta oryn alǵan jaǵdaıdy, áleýmettik jaǵynan aqsap otyrǵan jas otbasynyń janaıqaıyn ortaǵa salyp otyrmyz. Bizdiń ortamyzda belgili zańgerler, azamattar, janashyr adamdar bar. Belsendi azamattardan osy otbasyǵa zań boıynsha kómek bolyp jatsa, bul istiń qaıta qaralyp, aıaǵyna deıin durys sheshilýine azamattyq úlesin qosatyn azamattar tabylsa, elimizdegi bir qazaq otbasyna jeńildik bolatyn edi. Qoldan kelgenshe kómek bereıik, aǵaıyn!
Bekbolat Qarjan
[playlist type="video" ids="14068"]
