Sonymen ıt qyr asty, dońyz jyly bosaǵadan ótip, Qosobadan qıdy. Ótken jyly ne istedik, baǵynǵanymyz kim, saǵynǵanymyz ne-degen suraqtar saǵadan qulap, jaǵadan alady!
Jyl ekonomıkasy
«Birinshi ekonomıka, saıasat sodan soń» -degen prezıdent sózi sary aýyldyń jaǵal samaıyndaı sańǵyryqtanyp, sýyp, solyp, mazaq tektes estiledi. Ókimet otyrysynda Tımýr Súleımenov 2018 jylǵy ishki ónim úlesi 3,8 paıyz ekenin aıtty. Memleket ózin asyraý nemese nóldik mejeden asý úshin 12 paıyz qajet ekenin qarjy salasynan habary bardyń bári biledi. Aıdyndy aqparattardy ınflıaııa jutyp qoıdy. Resmı túrde teńge qunsyzdanýy 3,7 paıyz delinse de, qanttyń 20 paıyzǵa, irimshiktiń 10, konservilengen súttiń 9 paıyzǵa óskeni kóp kúdikke tizgin beredi. Buǵan qosa "Eksımbank", "Qazaq", "Astana" bankteriniń bankrotqa ushyraýy qarjylyq qaýqarymyzdyń, qaǵaz betindegi ádemi ıfrlarynyń sáıkessizdigin kórsetti.
Jyl saıasaty
Al saıası alańdaǵy kemel jeńisterimiz teledıdar betinen aspady.Kórshi eldegi eks-prezıdent Atambaev málimdemesi, tazdyń basyndaǵy tymaǵyn ala qashqandaı-yńǵaısyz jaǵdaıda qaldyrdy.Sorlaǵan shekaradaǵy júrgizýshiler boldy. Buǵan qosa BUU-daǵy Qaýipsizdik komıteti tóraǵasy bolǵanymyz, sonda Ustanym Kodeksin qabyldatqanymyz qulaq taldyra aıtyldy. Tym túsiniksizi osy júristerde qansha aqshamyzdy shyǵyndaǵanymyzdyń bári qupııa qaldy. Jetpis memleket qol qoıǵan Kodekske qalǵan jurt nege qoldaý kórsetpegeni de men úshin jumbaq. Osy jyldyń taǵy bir ereksheligi - qýǵynǵa ushyraǵan kók sharlar boldy. Dombyrasynyń shanaǵyna qorǵasyn quıǵandaı, kók sharlarǵa resmı túrde tıym salyndy, parasat pen fars maıdanynda aqyl aıaqqa jyǵyldy. BUU-nyń jahandyq kontrterrorıstik strategııasy úshin úsh júz myń dollar bólindi de, Sırııadaǵy genderlik saıasattyń damýyna aqsha berilý qajet dep aıtyldy.
Jyl tragedııasy
"Men qazaqpyn",- dep júrgen Denıs Ten kisi qolynan qaza tapty.Ártúrli tujyrymdar aıtylsa da, kúmáni kóp osy ólim jas pen káriniń bolashaqqa degen senimin shaıqaltyp ketti. Úlken sportta mol másele bary tanyldy. Semeıdegi kómir kenishindegi álem chempıony qazasy da osyny aıǵaqtady.
Jyl aqyny
Shyn talant, qara sózden sary ýyz alǵan Tynyshtyqbek aǵa Ábdikákimovtiń Memlekettik syılyq alǵany-sózdiń súbesine, jyr súıerdiń úlesine berilgen baǵa boldy. Buǵan qosa Astanadaǵa Rınat oramdary, Alash zar kúıine qosylǵan bozdaýly boz qaıǵyny qozǵady.
Jyl Fenıksi
Eýropadaǵy uzaq uıqydaǵy, ýaqyttyń qalyń kórpesine oranǵan Ákejan Qajygeldın búrtúli oıanyp, "Jańa Qazaqstan" atynan málimdeme jasady. Uıqydaǵy búrkitti, qaı japalaq úrkitti...
Jyl Ártisi
Bul daýsyz Dımash. Basynda mıks, keıin ıks degender únsiz qalyp, Reseı moıyndaı qol soqty. Bizdegi konkýrstardyń túkke turmasyn taǵy dáleldedi Dımash.
Jyl aktrısasy
Alty jyl túsirilgen "Aıka" fılmindegi Samal Eslıamova Kanndy moıyndatty. Bizdegi "Kochevnık", "Monǵol" túsirilimderine ketken qyraýyr aqshanyń obalyn joqtaǵandaı Samal qyz ult kıimimen álemdi tań jasady. Baıannyń "Baıanyn" uıaltyp.
Jyl otstavkasy
Prezıdenttiń ejelgi serigi, qyzmetteri qaǵazǵa sımas Jaqsybekov zeınetke ketti. Balama qyzmetsiz. Soǵan qaraǵanda kómbe kórine bastaǵandaı...
Jyl jol apaty
Astana kóshesindegi Oljas Súleımenovtiń nemeresiniń ólimi, jyl sońynda Almatydaǵy dúngen avarııasy-bul máseleniń shekten shyqqanyn kórsetti. Tizginsiz ketken majorlar-ajal bolyp júıitkýde... Bul biz kórgen ıt jyly. Jańa Jyldaryńyzben!
Serik Elikbaı,Kereký
