Jaidarmanşylar jarysty

Jastar resurstyq ortalyǧynyŋ «Jaidarman» daryndy jastar arasynda qalalyq ½ jartylai final oiyny öttı. Jalpy «Jaidarman» äzılqoilar men tapqyrlar saiysy – jastardy mädeniettılıkke tärbieleu, intellektualdy deŋgeiın köteru jäne ömırlık dūrys baǧyt-baǧdar beru men qoǧam damuyna üles qosu. Olardyŋ eŋ basty erekşelıkterı — är qoiylymda ömırdegı, saiasattaǧy, jalpy qoǧamdaǧy bolyp jatqan qūbylystardy özek etuınde. Şyǧarmaşyl jastar sahna mädenietı men şeberlık, bi, än, mimika, söileu mänerı, oi ūşqyrlyǧy siiaqty öner ataulynyŋ türlı janrlaryn qamtidy. Qoiylymdardaǧy mätın mazmūndarynda kezdesetın äzıl-ysqaqtardyŋ astarly oiy qoǧamymyzda beleŋ alyp jatqan san aluan kemşılıkterdı jetkızuge qūrylady. Aşyǧyn aitqanda, jaidarmanşylardyŋ äsırese jastar arasynda özındık oryny bar. Jastardy öz ısterıne jauapkerşılıkpen qarauǧa, tärtıpterı men mınez-qūlyqtaryn baqylap, qoǧamdyq ortada dūrys jüruge beiımdeidı. Sonymen bırge tapqyrlyqqa, şeşendıkke, dūrys söileu mänerın üirenulerıne yqpal etedı. Al jastar öz kezegınde olardyŋ önerlerıne qyzǧuşylyq tanytady. Bügın qalamyzdaǧy oqu oryndary arasynda ötken «Jaidarman» oiyndarynyŋ ½ finaldyq kezeŋınde 12 komanda jarysqa tüsıp, nätijesınde finaldyq oiynda 6 komanda öner körsetetın bolady.