Shymkent qalasynda alǵash ret Jastar resýrstyq ortalyǵynyń uıymdastyrýymen,«Sport Villa» oıyn-saýyq kesheni jáne «Rafe» restoran basshysynyń qoldaýymen kartıng sporttyq jarysy «Jas Team Kart» jobasy aıasynda ótti.
«Sport Villa» oıyn-saýyq kesheninde ótken týrnırge joǵary oqý oryndarynan 35 qatysýshy jınaldy.
Búgingi ótken kartıng sporttyq jarysyna 7 komanda ózara saıysqa tústi. Oıynnyń sharty boıynsha qatysýshylar 3 aınalymdy eńserip, 5 mınýtta márege jetý kerek.
— Búgingi kartıng sporttyq jarysyna OQMPÝ stýdentteriniń arasynan komanda jasaqtap kelgen bolatynbyz. Osyndaı keremet jarysqa birinshi ret qatysyp, saıysqa tústik. Oıyn barysynda jańa orta taýyp, sport salasyna óz úlesimizdi qostyq dep oılaımyn. Tartysty oıynǵa qatysýymyzǵa múmkindik bergen Jastar resýrstyq ortalyǵyna stýdentterdiń atynan alǵys aıtamyn, – dedi OQMPÝ stýdenti Baqbergen Muratuly.
Jarys jolynda tartysty oıyn kórsetken sheberler ortalyq basshysy M.Isahovtyń arnaıy dıplom jáne kýboktarymen, qalǵan qatysýshylarǵa qatysqany úshin arnaıy alǵys hattarmen marapattaldy.
Búgingi jarysta birinshi bolyp márege jetken Ontústik Qazaqstan Memlekettik pedagogıkalyq ýnıversıtetiniń stýdentteri.
Ekinshi oryndy M.Áýezov atyndaǵy Ońtústik Qazaqstan ýnıversıteti jastary ıelense, úshinshi orynǵa J.Táshenev atyndaǵy ýnıversıtet ýnıversıtetiniń stýdentteri ıelendi.
Jigerli jastar kartıng sportynan jarysqa tústi
18.10.2022
684
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз