Bıyl Ál-Farabı aýdany boıynsha 59 joba halyq qatysatyn bıýdjet aıasynda sheshimin tapqan. Atap aıtqanda 50 balalar alańshasy jáne 9 ashyq sport alańshasy el ıgiligine berildi. Osy jáne ózge de sheshimin tapqan máselelerdi Shymkent qalasynyń ákimi Murat Áıtenov jergilikti halyqpen kezekti esepti kezdesýi kezinde málimdedi.
«Byltyr 27 aýlany abattandyrdyq, sonyń 14-in halyq qatysatyn bıýdjetpen júzege asyrdyq. Bıyl da qurylys qarqyny joǵary. Munyń barlyǵy turǵyndardyń atsalysýmyn atqarylýda»,-dedi shahar basshysy.
Josparǵa saı bul mejeni 100%-ǵa jetkizý úshin kelesi jyly taǵy 32 balalar alańshasy men 7 sport alańshasynyń qurylysy júrgiziletin bolady.
