Shymkent qalalyq qoǵamdyq keńestiń músheleri «Sý resýrstary–Marketıng» JShS ujymymen kezdesti. Jıyndaǵy kún tártibi Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Joldaýy boldy.
Jıyndy «Sý resýrstary–Marketıng» JShS bas dırektory Anarbek Orman ashyp, alǵysózdi Shymkent qalalyq qoǵamdyq keńestiń jáne qalalyq kásipodaqtar birlestiginiń tóraǵasy Baýyrjan Álteevke berdi. Baýyrjan Ilimsheuly Prezıdent Joldaýynda kóterilgen qoǵamdaǵy demokratııa, jańa ekonomıkalyq saıasat, aýyl sharýashylyǵynyń jańa sektorlaryn damytý, zańnama júıesin jańǵyrtý sııaqty ózekti taqyryptarǵa toqtaldy.
– Bul Joldaý Qazaqstan Respýblıkasynyń Konstıtýııasyna ózgerister men tolyqtyrýlar engizý boıynsha bıylǵy 5 maýsymda ótken respýblıkalyq referendýmnyń jalǵasy ispetti boldy. Ol saıası oqıǵanyń aldynda óte aýqymdy túsindirý jumystary júrgizilip, Ata Zańǵa engizilgen ózgeristerdiń nátıjesinde jańa memlekettik basqarý modeline, bılik pen qoǵamnyń ózara baılanysynyń jańa formatyna aýysy bastaldy. Memleket basshysynyń Joldaýynda, sonymen qatar, zań men tártip, basqarý júıesin qaıta qurý, sot júıesiniń reformasy sekildi taqyryptar kóterildi. Sebebi, eski júıeniń merzimi ótti, qazirgi tańdaǵy qoldanysqa saı emes. Sol úshin halyq arasynda únemi aqparattyq-nasıhat jumysy júrgizilýi kerek. Kóbisi Joǵary sottan keıin shaǵymdanatyn oryn joq dep sanaıdy. Olaı emes, bizdiń elimizde Konstıtýııalyq sot bar, – dedi Baýyrjan Ilimsheuly.
Jıynda qoǵamdyq keńestiń músheleri Abdýlla Ahmetov, Ismaıl Shalabaev, Erbol Jolbarysov jáne basqa da spıkerler Joldaýda kóterilgen tek saıası ǵana emes, ekonomıkalyq máselelerge, Prezıdent bergen tapsyrmalarǵa toqtalyp ótti. Olardyń aıtýynsha, búginde memleketimiz demokratııanyń dańǵyl jolyna túsip, elimizde áleýmettik salaǵa da basa nazar aýdarylýda.
Kezdesýde jer qatynastary, salyq júıesindegi jańashyldyqtar da sóz boldy. Baýyrjan Álteevtiń aıtýynsha, shaǵyn jáne orta bızneske salyq salýǵa dıfferenııaly túrde kelý kerek. Jaqsy jumys istep, el ekonomıkasyna úles qosyp júrgen, tabys taýyp, qyzmetkerlerine jaqsy jalaqy tóleıtin kásipkerlik nysandaryna jeńildik bergen durys dep sanaıdy qoǵamdyq keńes múshesi. Spıker tıimdi ári zań talabyn múltiksiz oryndaıtyn kásipkerlerge ındýstrıaldy aımaqtardaǵy jer ýchaskeleriniń bir bóligin jeke menshikke de berýge bolady deıdi.
– Memleketimizdiń basty qundylyǵy – adam jáne onyń ómiri. Degenmen, ókinishke qaraı, búgingi tańda densaýlyq saqtaý qyzmeti kórsetilmeıtin aýyldar da bar. Aldaǵy 2-3 jylda bizge felsherlik-akýsherlik pýnktter quryp, aýyldaǵy aǵaıyn alysqa sandalmaıtyndaı jaǵdaı jasaý kerek, – dedi Baýyrjan Álteev.
Jıynda elimizdegi eń tómengi jalaqy mólsheri de talqylandy. Aıtqandaı, onyń kólemi 2023 jyly 70 myń teńge bolady. Jáne munymen toqtamaıdy desti. Al Anarbek Orman shaǵyn jáne orta bızneske memleket tarapynan kórsetiletin qoldaý arta tússe degen nıetin jetkizdi.
– Bulaı óte durys bolar edi. Mysaly, Anarbek Orman – óz jumyskerleriniń áleýmettik quqyqtaryn únemi qorǵap júretin jumys berýshi. Ol basqaratyn jaýapkershiligi shekteýli seriktestik qalalyq kásipodaq birlestiginiń quramyna enedi. Jáne biz qatarymyzda osyndaı mekeme bar ekenin maqtan tutamyz, – dedi Baýyrjan Álteev.
