Memleket basshysynyń jarlyǵyna sáıkes, Shymkent qalasynyń ákimi M.Áıtenovtiń ár toqsan saıynǵy josparly kezekti esepti kezdesýi búgin Ál-Farabı aýdany turǵyndarymen jalǵasty.
Qala ákimi megapolıstegi sońǵy 9 aıda atqarylǵan isterdi qorytyndylap, baıandama jasady.
Kezdesýge 300-den astam halyq, basqarma basshylary, qoǵamdyq keńes músheleri, máslıhat depýtattary men BAQ ókilderi qatysty.
Esepti kezdesý Shymkent qalasy ákimdiginiń ınstagramdaǵy resmı paraqshasynda tikeleı efırde kórsetildi.
Shahar basshysy jyl basynan bastap megapolıstegi eldimekenderdi aralaý barysynda 125 kezdesý ótkizip, kóterilgen 1020 máseleniń árbiri jeke hattamaǵa engizilip, oryndalýy jiti baqylaýǵa alynǵan. Nátıjesinde búginge deıin 500-ge jýyq másele sheshilse, 377-si jyl sońyna deıin sheshimin tabatyn bolady, al 195 másele 2023-2025 jyldar josparyna engizildi.
Sońǵy 9 aıda 12 ret jeke qabyldaý ótkizip, 1 200-den astam azamattyń máselesi tyńdaldy. 2 341 máseleniń 760-sy naqty shimin tapsa, 1 476-sy oryndalýda, qalǵan máseleler zań talaptaryna sáıkes sheshiletin bolady.
Ál-Farabı aýdanynyń ákimi R. Myńbaev 2 eldimeken, 13 shaǵyn aýdan boıynsha atqarylǵan jumystar men halyq suranysyndaǵy ınfraqurylym júıeleriniń tartylýy, baspanamen qamtý, arnaıy sport jáne balalar ashańshalarynyń salynýy máseleseniń sheshimderi boıynsha baıandama jasady.
Reglamentke saı suraq-jaýap bolyp, qala ákimi M.Áıtenov 30-dan asa atap aıtqanda, densaýlyq salasy, jumyspen qamtý, ınfraqurylym, balalar oıyn alańshalary, qoqys máselesi, zańsyz ǵımarat salý máseleleri tóńiregindegi suraqtarǵa jaýap berdi.
Jıyn sońynda M.Áıtenov hattamaǵa engen máselelerdiń sheshimi boıynsha, zań aıasynda jan-jaqty jumystar atqarylatynyn atap ótip, qoǵamdyq máselelerdiń sheshiminde belsendilik tanytqan turǵyndarǵa rızashylyǵyn bildirdi.
Shymkent qalasy ákimdiginiń baspasóz qyzmeti
