Shymkenttegi “Kórme” ortalyǵynda jergilikti taýar óndirýshilerdiń kórmesi uıymdastyrylyp, bıznes qaýymdastyq ókilderiniń kezdesýi ótti. Qalalyq kásipkerler palatasynyń bastamasymen uıymdastyrylǵan sharaǵa shahar basshysy M.Áıtenov, «Atameken» UKP Basqarma tóraǵasynyń orynbasary-Shymkent qalalyq kásipkerler palatasynyń dırektory Tımýr Naqypbekov, quqyq qorǵaý organ qyzmetkerleri, salalyq qurylym basshylary men kásipkerler qatysty.
Úshinshi megapolıstiń ekonomıkalyq jáne áleýmettik damýynyń negizgi draıveri - kásipkerlik salasy. Shymkenttegi jalpy óńirlik ónimniń úshten bir bóligin shaǵyn jáne orta bıznes ókilderi óndiredi.
Búginde qalada 95 myńnan astam belsendi kásipkerlik sýbektileri jumys isteıdi.
“Respýblıka boıynsha 4-shi oryndamyz, 180 myńnan astam adam jumyspen qamtylǵan. Bul da árıne sizderdiń arqalaryńyzda”,-dedi M.Áıtenov saltanatty sharany ashý barysynda.
Jalpy jıynda birqatar ótkir de ózekti máseleler qozǵaldy.
Qylmystyq proess salasyndaǵy qıyndyqtar, kásipkerlerdiń quqyqtaryn qorǵaý jáne ákimshilik kedergilerdi azaıtý, qala qurylysynda kezdesetin problemalar, arnaıy ekonomıkalyq jáne ındýstrııalyq aımaqtardaǵy jer ýchaskelerin qosalqy jaldaý joldary men janar-jaǵarmaıǵa dıfferenıaııalyq baǵanyń bekitilýine baılanysty týyndaǵan salyqtyń eseptiligi, t.b kóptegen máseleler kóterilip, kezdesý barysynda onyń sheshilý joldary aıtyldy.
Kezdesý qorytyndysymen, Ulttyq kásipkerler palatasy kásipkerlikti qorǵaýdyń ekojúıesin qurý jobasyn júzege asyrýdy bastady.
Bıznesti qorǵaýdyń ekojúıesi aıasynda kásipkerlik sýbektileriniń quqyǵyn buzý faktilerin jáne memlekettik retteýdi júzege asyrý kezinde qajetsiz ákimshilik kedergilerdi azaıtýǵa baǵyttalǵan birshama usynystar ázirlenetin boldy.
