Bügın Qasym-Jomart Toqaevtyŋ Respublikalyq qoǧamdyq ştabynyŋ qorytyndy otyrysy öttı. Jiyn barysynda ügıt-nasihat kezeŋınde atqarylǧan jūmystar talqylandy.
Ştab basşysy Erlan Qoşanov prezidenttık sailau zaŋǧa jäne halyqaralyq normalarǧa tolyq säikes ötkenın jetkızdı.
Ol Qasym-Jomart Toqaevtyŋ sailaudaǧy aiqyn jeŋısı – qoǧamnyŋ Prezidentke jäne onyŋ reformalar baǧytyna degen zor senımınıŋ körsetkışı ekenın basa aitty. Sailau Halyqtyq koalisiiaǧa kırgen barlyq partiia men qoǧamdyq ūiymdardy bır komandaǧa bırıktırdı. Olar barlyq aimaqty aralap, auqymdy ügıt-nasihat jūmystaryn jürgızdı.
«Jalpy, būl sailau qoǧam men bilıktıŋ eldıŋ erteŋgı damuyna qatysty tüsınıgı ortaq ekenın körsettı. Halyq Prezidenttıŋ reformalary belgılengen merzımde jäne tolyq oryndalatynyna senımdı boluy kerek. Būl – Halyqtyq koalisiianyŋ basty mındetı», - dedı Ştab basşysy.Erlan Qoşanov Halyqtyq koalisiianyŋ, Respublikalyq jäne aimaqtyq qoǧamdyq ştabtardyŋ müşelerıne, senımdı ökılderge, jastar belsendılerı men baqylauşylarǧa atqarylǧan jūmystar üşın alǧysyn bıldırdı. Ügıt-nasihat nauqany kezınde Qasym-Jomart Toqaevtyŋ jaqtastary 42 qala men 5000-nan astam auyldy aralady. Olar ötkızgen 24 myŋ ügıt-nasihat ıs-şarasyna 3 million sailauşy qatysty. Kezdesuler barysynda azamattardan 40 myŋnan astam ūsynys pen tılek jinaldy.
«Halyqtyq koalisiianyŋ jūmysy mūnymen aiaqtalmaidy. Bız bärımız Memleket basşysy jaqtastarynyŋ komandasynda qalamyz. Koalisiiaǧa kırgen barlyq qoǧamdyq-saiasi küş Qasym-Jomart Toqaevtyŋ Sailaualdy baǧdarlamasyn jäne barlyq saiasi reformany jüzege asyruǧa belsendı atsalysady dep oilaimyn», - dedı Erlan Qoşanov.Jiyn barysynda tūŋǧyş ǧaryşker, «Halyq qaharmany» Toqtar Äubäkırov, «Aq jol» Qazaqstan demokratiialyq partiiasynyŋ töraǧasy Azat Peruaşev, Qazaqstan Halyq partiiasynyŋ basşysy Ermūhamet Ertısbaev, qoǧam qairatkerı Jaqsybek Qūlekeev, Qazaqstannyŋ Azamattyq Aliansynyŋ prezidentı Banu Nūrǧazieva, Qazaqstan Jazuşylar odaǧynyŋ töraǧasy Ūlyqbek Esdäulet, belgılı zaŋger Baqytjan Bazarbek, Pavlodar oblystyq qoǧamdyq ştabynyŋ basşysy İlia Terenchenko jäne «Qazaqstan Team» jastar bırlestıgınıŋ basşysy Oljas Süleimenov jäne koalisiianyŋ basqa da müşelerı söz söiledı.
