«Samuryq-Qazyna» qory Memleket basshysynyń tapsyrmalaryn oryndaı otyryp, ınklıýzıvti jobalardy damytý aıasynda aýqymdy jumys júrgizýde: olardyń qatarynda kópbalaly analardy, erekshe balalardy, múgedektigi bar adamdardy qoldaý.
«Samuryq-Qazyna» kompanııalar toby tek Atyraý oblysynda sońǵy bes jylda 1 mıllıard teńgeden astam somaǵa 19 áleýmettik jobany iske asyrdy. Jobalar óńir turǵyndary úshin mańyzdy máselelerdi sheshýge jáne úkimettik emes uıymdardyń áleýmettik bastamalaryn qoldaýǵa baǵyttalǵan. Bıyl óńirde 375,5 mln teńge somasyna 7 joba maquldandy.
Búgin kompanııalar toby atynan qaıyrymdylyq jobalardyń biryńǵaı operatory – «Samruk-Kazyna Trust» áleýmettik jobalardy damytý qory qoǵam úshin iske asyrylǵan bastamalardy halyq nazaryna usyndy.
Baspasóz týry sóıleý qabileti buzylǵan, aýtızm, erebraldy sal aýrýy jáne Daýn sındromy bar balalardy jan-jaqty damytýmen aınalysatyn, jańartylǵan «Zeıin-Atyraý» erekshe balalardy damytý ortalyǵyna barýdan bastaldy. Bıyl jobaǵa «Samuryq-Qazyna» qory kúrdeli jóndeý jumystarymen qatar, jıhazdar men jabdyqtardy jańartýdy qarjylandyrdy, sondaı-aq 50 erekshe balaǵa tegin ońaltý kýrstaryna sertıfıkat tabystaldy. Jobanyń quny 27 mıllıon teńgeden asady.
Jınalǵan kópshilik týrdyń ekinshi nysany balalarǵa arnalǵan keshendi ońaltý, dıagnostıka jáne keńes berý qyzmetterin kórsetetin «Qamqorlyq» ońaltý ortalyǵyna bardy. Ortalyq jylyna 600 balany tegin qabyldaıdy. Aıta keteıik, «Samuryq-Qazyna» qorynyń qoldaýymen «Qamqorlyq» jobasy aıasynda 2020 jyldan bastap Qazaqstannyń barlyq óńirinde 15 ońaltý ortalyǵy, 16 ınklıýzııany qoldaý kabıneti jáne 7 erte aralasý ortalyǵy ashyldy, olardy tolyq jabdyqtaý úshin 3 mlrd teńgeden astam qarajat bólindi.
Qor árdaıym áleýmettik osal sanattaǵy azamattardy qoldaýǵa erekshe nazar aýdaryp keledi. Bul baǵytta Atyraý oblysynyń Isker áıelder qaýymdastyǵynyń jobasy kórsetildi, joba sheńberinde jalǵyzbasty jáne kópbalaly analar, jumyssyz áıelder ózderiniń qarjylyq táýelsizdigin qamtamasyz etý úshin kásibı daǵdylar men naqty kómek ala alady. Qaýymdastyq uıymdastyrǵan kýrstar 100 áıelge arnalǵan. Olar oqýdan keıin óz isin ashý úshin taýar túrinde grant alyp, 50%-y óz bıznesin ashýǵa múmkindik ıelenedi de, 30%-y jumysqa ornalasady. Jobanyń bıýdjeti 48 mln teńgeni qurady.
Press-týr baǵdarlamasyndaǵy sońǵy nysan «Malenkaıa strana» áleýmettik qalashyǵy boldy. Onda múmkindigi shekteýli jandardy ońaltý úshin eńbek terapııasy, ıppoterapııa ádisteri paıdalanylady, sonymen birge sharýashylyqty júrgizý úshin «jasyl tehnologııa» qoldanylady.
Bıyl «Samuryq-Qazyna» qory shaǵyn gıbrıdti jel-kún elektr stanııasyn jáne sharýashylyq ǵımarattar men ákimshilik úı-jaılarǵa arnalǵan konvektorlyq jylytqyshtardy satyp alý úshin «Atyraý». Malenkaıa strana» QB bastamasyna qoldaý kórsetti. Bolashaqta osy qurylǵylardyń arqasynda áleýmettik qalashyqta elektrmen jabdyqtaý tolyǵymen avtonomdy bolady. Jobanyń quny 37,5 mln teńgeni qurady.
Baspasóz týryna qatysýshylar Atyraýdaǵy «Samuryq-Qazyna» qorynyń áleýmettik jobalaryna joǵary baǵa berip, óz áserlerimen bólisti:
«Ár adamnyń mindeti – balalaryna jaqsy tárbıe berip, aıaqqa turyp ketýine kómektesip, laıyqty adamdy tárbıelep shyǵý. Búgin osy oraıda, memleket pen «Samuryq-Qazyna» qory tarapynan atqarylyp jatqan jumystardy kórip, qýanyp otyrmyz. Múmkindigi shekteýli balalarǵa arnalǵan ıgi isterińiz úshin erekshe alǵys bildirgim keledi», - dep oıymen bólisti Atyraý qalasy Ardagerler keńesiniń tóraǵasy Keńes Qosybaev.
«Úkimettik emes uıym ókilderi «Samuryq-Qazyna» qorynyń óńirimizde júzege asyryp jatqan áleýmettik jobalaryn muqııat qadaǵalaýdamyz. Búgingi qordyń jumysy ashyq ári túsinikti bolǵanyna qýanyshtymyz. Búgingi baspasóz týry Qordyń bıylǵy jumys nátıjelerin kórsetti, biz sharadan erekshe balalarǵa, áleýmettik osal sanattaǵy áıelderge, múmkindigi shekteýli jandarǵa arnalǵan ózekti jobalardy kórip otyrmyz. Bul qordyń ımıdjine oń áser etedi jáne halyqtyń senimin arttyrady», - dep atap ótti «Aqparat» QB tóraǵasy, Atyraý oblysy qoǵamdyq komıssııasynyń múshesi Gúljan Elesheva.
Atyraý qalasynda júzege asyrylǵan áleýmettik nysandar boıynsha baspasóz týryna «Samuryq-Qazyna» AQ portfeldik kompanııalarynyń oblystyq fılıaldarynyń basshylary da qatysty. Qordyń qaıyrymdylyq qyzmetin júzege asyrý kezinde Qor kompanııalar tobynyń kásiporyndary ornalasqan óńirlerge erekshe nazar aýdarylady.
«Júıelik qaıyrymdylyq kóptegen adamdarǵa kómektesýge múmkindik beredi. Bizdiń mindetimiz-jergilikti jerlerde «Samuryq-Qazyna» AQ biryńǵaı qaıyrymdylyq operatory arqyly áleýmettik mańyzdy jobalardyń baǵytyn anyqtaý jáne jergilikti ÚEU - ǵa kómektesý», - dep bólisti «KEGOC» AQ Batys fılıalynyń metrologııa qyzmetiniń basshysy Abzal Baqıtov.
BAQ ókilderiniń nazaryna: 24 jáne 25 qarashada áleýmettik nysandar boıynsha baspasóz týry Mańǵystaý oblysynda jalǵasady, ondaǵy jurtshylyqtyń nazaryna Jańaózen jáne Aqtaý qalalaryndaǵy «Samuryq-Qazyna» kompanııalar toby atynan qarjylandyrylǵan jobalar usynylady.
