"Ury sheneýnikter joq Jańa Qazaqstandy kórýdi armandaımyn" - Shoraev

2569

Belgili qoǵam qaıratkeri, kásipker Arman Shoraev "Jańa Qazaqstannyń" qandaı bolýy kerektigine toqtalyp, Qazaq eli bılikten naqty qandaı ózgerister kútetinin aıtty. Bul týraly "Adyrna" ulttyq portaly jazady.

"Sanaǵa salmaq salmaǵan saılaý ótti. Jeńimpaz anyq. Ári qaraı ne bolmaq?! Men jańa Qazaqstandy kórýdi armandaımyn. Barlyq adam zań aldynda birdeı bolatyn ádiletti, jańa Qazaqstan.Onda sýdıa bolý barynsha qurmetti ári jaýapty. Sebebi, sýdıa eshkimge táýeldi emes. Prezıdentke de, sot tóraǵasyna da táýelsiz. Óziniń ar-ojdany, halyqqa bergen antynan basqaǵa alańdary joq. Jaqsylyǵy mol jańa Qazaqstanda kenttik jáne oblystyq ákimderden bastap barlyǵyn halyq saılaıdy. Demek, olar qarapaıym halyqtyń ıgiligi úshin jumys isteıdi, bıýdjet aqshasyn urlamaıdy. Eshkimge qajeti joq mega jobalardyń ornyna barynsha sapaly ári arzan bilim oshaqtary men tamyljyǵan saıabaqtar, saıasy mol skverler, tep-tegis, aınadaı jaltyrap jatqan jol salady. Bal kúlkili balalar bala baqshaǵa, mektepke tegin barady. Zaman talabyna saı sapaly jáne laıyqty bilim alady. Bilim oshaqtarynda tegin ári dámdi taǵamnan tatady. Barlyq jerde de. Tipti, shalǵaıdaǵy shaǵyn aýyldarda da", - dep jazdy Shoraev.

Arman Shoraevtyń aıtýynsha, bıýdjetten aqsha urlaý Otanǵa opasyzdyq jasaýmen teń.

"Jańa álemde ana bolý óte qurmetti ári paıdaly. Óıtkeni, birinshi baladan keıin otbasy jeńildetilgen paıyzben ıpoteka alýǵa quqyly, ári ıpoteka 30 paıyzǵa azaıady. Tórtinshi sábıden keıin ıpotekalyq qaryzdan birjola bosatylady. Jańa Qazaqstanda bıýdjetten aqsha urlaý Otanǵa opasyzdyq jasaýmen teń. Sol sebepti qatań jazalanady. Memlekettik qyzmetker bolý qurmetti, biraq, olar baı emes. Memlekettik qyzmetker barlyq jaǵdaımen qamtamasyz etilgen, sóıte tura ózine eshqashan Bentlı satyp alyp, aýmaǵy úsh gektar jerge sáýletti vılla sala almaıdy. Onda stýdentter joǵary oqý oryndar tegin oqıdy ári naqty bilim alady. Jeke ýnıversıtetter dep atalatyndardyń kópshiligi jabylady. Ile umytylady. Jańa Qazaqstanda balalar úıi men qarttar úıi bolmaıdy. Óıtkeni, qarııalar men balalardy tastap ketý qolaısyz ári tıimsiz. Barsha azamattar memlekettik tildi meılinshe jaqsy biledi ári qurmetteıdi. Qazaq tilin jetik meńgerý úshin barlyq esik ashyq, til bilgender artyqshylyqqa ıe. Kólikti túnde ashyq qaldyra alasyz jáne oǵan alańdamaısyz. Ómir súrý deńgeıi óte joǵary bolǵandyqtan, bireýdiń múlkin urlaý arqyly ómir súrýdiń esh qajeti joq. Kez-kelgen jumysshy, kúzetshi, qurylysshy, júrgizýshi jáne basqa mamandyq ıeleri jaqsy jalaqy almaq. Jańa Qazaqstanda kásipkerler óz esep shottaryndaǵy myńǵyrǵan mıllıondardyń sany emes, jumys oryndarynyń sanyn maqtanysh kóredi",- deıdi Arman Shoraev.

Shoraevtyń paıymdaýynsha, elimizde jemqorlyq túbimen joıylsa, sheteldik ınvestorlar elimizge ınvestıııa quıýǵa kezekke turady.

"Álemniń túkpir-túkpirinen mıllıondaǵan týrıster bizdiń eldiń dıdaryn kórsek dep dámetedi. Olaı bolatyn sebebi, ejelgi ertegilerdegideı jaqsy da jaıly qonaq úıler salynǵan. Keremet tabıǵat, shaǵyn avıaııalyq ushaqtar, tegis joldar, qaýipsiz orta kimdi bolsyn qyzyqtyrmaı qoımaıdy. Onda barlyq damyǵan elderdiń ınvestorlary bizdiń elimizge ınvestıııa salý úshin kezekke turady. Sebebi, jemqorlyq ta, ury sheneýnik te joq. Al, ádil zań jekemenshik quqyǵyn jáne onyń myzǵymas beriktigin qorǵaıdy. Onda kólik keptelisi bolmaıdy, qalalardyń ústindegi qara tútin joq. Zańsyz qurylystar buzylǵan, onyń ornyn gúl kómkergen saıabaqtar men ajarly alańdar basqan. Jańa Qazaqstanda turý paıdaly ári tıimdi. Aýyl turǵyndary óz elin ǵana emes, jer sharynyń jartysyn qajetti ónimdermen qamtamasyz etedi. Jastar bir-birin súıip qosylady. Olar turaqty tabysqa kenelgen ári qanaǵatty biledi. Jańa Qazaqstanda óte kásibı ásker bar. Sondyqtan, kórshiler kózin alartady degen qorqynysh joq. Onda azamattar shet elderdegi eń jaqsy sybaǵany izdemeıdi. Ózderiniń kók tústi tólqujattarymen maqtanady. Osyndaı tólqujaty bar adam álemniń kez-kelgen elinde qalaýly jáne vızasyz qonaq esebinde",- deıdi kásipker.

"Adyrna" ulttyq portaly 

Pikirler
Redakııa tańdaýy