Qazaqstan Prezidentı Qasym-Jomart Toqaev İordaniia korolı Abdalla II ben äl-Huseindı Al-Farabi ordenımen marapattady, dep habarlaidy “Adyrna”.
Monarh būl memlekettık nagradanyŋ alǧaşqy iegerı atandy. Marapattau räsımı İordaniia korolınıŋ Qazaqstanǧa resmi sapary aiasynda Astanada öttı.
Aqordanyŋ mälımetınşe, Memleket basşysy Abdalla II-nıŋ Qazaqstan men İordaniia arasyndaǧy qarym-qatynasty nyǧaituǧa qosqan ülesın atap öttı.
Prezidenttıŋ aituynşa, ordennıŋ tūŋǧyş iegerı retınde İordaniia korolınıŋ taŋdaluy – tarihi ärı simvoldyq mänı bar oqiǧa.
Al-Farabi ordenı esımı ǧylym, ädebiet jäne saiasi oi tarihynda airyqşa oryn alatyn ūly oişyl Äbu Nasyr äl-Farabidıŋ qūrmetıne atalǧan. Qasym-Jomart Toqaev onyŋ danalyq, üilesım men bırlık turaly ideialary Qazaqstan men arab elderınıŋ mädeni bailanysyn jaqyndastyratynyn jetkızdı.
Öz kezegınde Abdalla II ben äl-Husein Qasym-Jomart Toqaevqa İordaniianyŋ eŋ joǧary memlekettık nagradasy – Äl-Husein ibn Äli ordenın tabystady.
Aita keteiık, Äl-Husein ibn Äli ordenı 1949 jyly İordaniia korolı Abdalla I tarapynan qūrylǧan. Ol Mekke şerifı Husein ben Älidıŋ qūrmetıne atalǧan jäne İordaniianyŋ joǧary memlekettık nagradasy sanalady.
Al Al-Farabi ordenın Memleket basşysy ǧylym men mädeniet qairatkerlerı üşın 29 säuırde taǧaiyndaǧan.
