Ýkraınanyń Qaýipsizdik qyzmeti Sheshenstan Respýblıkasynyń basshysy Ramzan Qadyrovqa izdeý jarııalady, dep habarlaıdy «Adyrna» tilshisi.
Prezıdentke Qylmystyq kodekstiń eki baby, sonyń ishinde «basqynshylyq soǵys júrgizý nemese agressıvti áskerı áreketter» boıynsha aıyp taǵylyp otyr.
Bul bap boıynsha sankııa 10 jyldan 15 jylǵa deıin bas bostandyǵynan aıyrýdy qarastyrady.
Aıta keteıik, budan bólek SBU 700-ge jýyq joǵary laýazymdy reseılikti izdestirýde. Olardyń arasynda Reseı Syrtqy ister mınıstrliginiń resmı ókili Marııa Zaharova, RF Qaýipsizdik keńesi tóraǵasynyń orynbasary Dmıtrıı Medvedev, Reseı qorǵanys mınıstrliginiń resmı ókili Igor Konashenkov bar.
