Bügın, 15 qaraşada, Atyrau qalasynyŋ №2 soty Atyrau oblysy äkımınıŋ būrynǧy orynbasary Baqytgül Hamenovany 7 jylǧa bostandyǧynan aiyru, alaida kämeletke tolmaǧan balalary baryn eskere otyryp, jazany üş jyldan keiın öteu jönınde ükım şyǧardy. Sot ükımıne säikes Aqylbek Rysqaliev te 7 jylǧa bas bostandyǧynan aiyryldy. Baqytgül Hamenova tuysqandarymen qauyşu sätınde qysqa sūhbat berdı, dep habarlaidy "Adyrna" ūlttyq portaly.
- Men būl şeşımmen mülde kelıspeimın. 11 ai boiy tar qapasta jatqanda da aqiqatty aityp, şyndyqty söilep, osymen kürestım. Kürese de beremın. Advokatymmen. Qaumalaǧan elmen. Aqqa qūdai jat. Osy sättı paidalana otyryp men şibörıdei şulaǧan tobyrdyŋ ǧaibatyna emes, şyndyqty aityp şyryldaǧan, derek pen däiekke sengen BAQ ökılderıne, jurnalisterge, 11 ai boiy anama kelıp, bır auyz jyly sözderın arnap jatqan elıme raqmet aitamyn. Şyndyq tübı aşylady... Maǧan zorlyq pen qorlyqty körsetken adamdarǧa aitarym - adamnyŋ sotynan qūtylǧanymen de, allanyŋ sotynan eşkım qūtylmaidy, - dedı Baqytgül HamenovaBaqytgül Hamenova jazasyn qauıpsızdıgı ortaşa mekemede 3 jyldan keiın öteidı. Hamenova sot zalynan üiıne jıberıledı. Sot ǧimaratynyŋ aldynda ony et jaqyndary men qoldauşylary kütıp aldy. Aita keteiık, Hamenova men Rysqaliev Abai eskertkışın jasau boiynşa memlekettık satyp alu kezınde 4,5 million teŋge kölemınde para aldy degen küdıkke ılındı edı.
Ūqsas jaŋalyqtar
