Prezıdenttikke úmitker Qaraqat Ábden Saltanat Tursynbekovanyń pikirine jaýap berdi. Ol jaýabyn Facebook paraqshasyna jarııalady, dep habarlaıdy “Adyrna” ulttyq portaly.
Aıta keteıik, prezıdenttikke kandıtattardyń biri Saltanat Tursynbekova Qaraqat Ábdenge saılaý naýqanynan bas tartyp, óz shtabyna qosylýǵa shaqyrǵan edi. Bul pikirine Qaraqat Ábden de únsiz qalmady.
“Keıbir kandıdattardyń maǵan erekshe yqylas bildirip, saılaýaldy baǵdarlamamdy óte muqııat zerdelep shyqqany úshin alǵys aıtamyn. Baǵdarlamaǵa máslıhatta, memlekettik basqarý sektory men qoǵamdyq qyzmette jınaqtaǵan uzaq jylǵy tájirıbem negiz boldy.
Bir bastaǵan isti sońyna deıin jetkizetin ádetimdi meniń jaqtastarym, kópten beri birge jumys istep kele jatqan kisiler men bastamalarymdy qoldaıtyn jandar jaqsy biledi. Ózge kandıdattarǵa budan basqasyn bilýdiń qajeti joq”,- dep jazdy ol.
Sondaı-aq, ol aldaǵy ýaqytta el óńirlerinde saılaýshylarmen birneshe kezdesýim ótetinin de aıtty.
«Az sóılep, kóp is tyndyr» demekshi, halqymyz ejelden-aq az sózdi altynǵa balaǵan. Kúshim de, tájirıbem de jetkilikti.
Basqa kandıdattarǵa sáttilik tileımin jáne shekten shyqpaýǵa shaqyramyn. Basty nazarda kandıdattar emes, saılaýshylar bolý kerek”,- dep jazdy Qaraqat Ábden.
